شەفەق نیوز/ دەسەی دارایی پەڕلەمانی، ئمڕوو چوارشەممە، دووپات کرد ک بوودجەی فیدڕاڵی ئەرا ساڵ ٢٠٢٠ باس و بڕیاری لە ناو پەڕلەمان دویای جەژن رەمەزان کریەێد، ونیاز یاسای بوودجەی مانگانە یا نیمچە ساڵانە رەتکرد.
ئەحمەد موزهر، ئەندام دەسەگە ئەرا ئاژانس شەفەق نیوز وت: پەڕلەمان چەوڕی رەوانەی بوودجەگە لە ئەنجومەن وەزیران کەێد، تا باسو توێژینەوەی بکریەێد وە گورەی هەڵوێست دارایی ونیاز و رەوش ئیسە. دیاریش کرد ک ئەوەسا جەخت خەنە بان خەرجەیل مووچەو خەرجەیل سەرەکی، وەبونەی کورتهێنان دارایی > دویرەو بوود لە پڕۆژەیل وەبەرهێنان.
جبوری رێنما یا پێشنیارەیل حکومەت ئەرا پەڕلەمان عیراق وە یاسای بوودجەیل مانگانە یا نیمچە ساڵانە رەتکرد ک وەی دویاییە باسه‌گه‌ی بڵاو بوی، دووپاتەیش کرد ک هویچ بەڵگەنامەیگ یاسایی یا دەستوری نیە ئەرا بوودجەیل مانگانە یا نیمچە ساڵانە.
رەوانە كردن بوودجەی فیدڕاڵی لە لاین حکومەت عیراق ئەرا پەڕلەمان دیرکەفت ، وەبونەی وەردەوامی خۆپیشاندەیل لە تەشرین وەرینەو، ک هیشت حکومەت وەرین وەسەرۆکاتی عادیل عەبدولمەهدی دەس لەکار بکیشید، و بوودە حکومەت کاروەڕیەوبەر، ک دەسڵات رەوانەی یاسای بوودجە ئەرا پەڕلەمان نەیرێد.
بوودجەی ساڵ ئیسە ( وەگورەی پڕۆژە پێشنیارکریاگەی حکومەت) رەسێدە ١٦٢ تریلیۆن دینار ( ١٣٥ لیلیار دۆلار) وە کورتهێنانیگ دارایی پلان نریاگیگ رەسێدە ٤٨ تیریلیۆن دینار ( ٤٠ میلیار دۆلار) ٣ تیرلیۆن دینار لەلی ئەرا جیەوجیکردن ئەو پڕۆژەیلە ک وەل چین رێکەفتن له‌بانیان كریاس .