له‌ى باوه‌ته‌و، عه‌بدولستار به‌يره‌قدار قسه‌كه‌ر فه‌رمى ده‌سڵات دادوه‌رى له‌ به‌ياننامه‌يگ ئه‌را (شه‌فه‌ق نيوز)ك ئمڕوو ده‌رچى وت: ئه‌نجومه‌ن دادوه‌رى باڵا له‌ دانيشتن جياى خوه‌ى داوا له‌ ئه‌نجومه‌ن نوێنه‌ره‌يل كردگه‌ هه‌ڵه‌په‌ڵه‌ بكا له‌ مه‌سه‌له‌ى ياسايه‌يل په‌يوه‌س وه‌ به‌رژوه‌ندى هاووتيه‌يل و ده‌سڵات دادوه‌رى ناوه‌ندى ك ئه‌ڕاى كلكرياگه‌و له‌وانه‌يش: پرووژه‌ ياساى راسه‌وكردن ياساى شكايه‌ته‌يل مه‌ده‌نى.

جى باسه‌، به‌يره‌قدار هه‌ميش وت: رينمايى له‌باوه‌ت وه‌رده‌وامى هه‌وڵ ته‌مامكردن كيشه‌يل دادگايى كرياگه‌ له‌ هه‌ردوگ بوار په‌يجوورى و دادگايى وه‌تايبه‌ت له‌ مه‌سه‌له‌ى ترۆر و گه‌ناته‌كارى دارايى و ئدارى و هه‌ر وه‌و خاتريشه‌ داواى كاراكردن نه‌خش به‌ش چه‌وديرى جيوه‌جيكردن فه‌رمانه‌يل ده‌سگيركردن و قه‌يه‌غه‌ى گه‌شتكردن و زه‌فتكردن دارايى ئه‌و كه‌سه‌له‌ كرياگه‌ ك وه‌ گه‌ناته‌كارى تومه‌تبارن.