جه‌نگيگ سه‌خت عه‌شايرى تا ده‌مه‌و شه‌وه‌كى له باكوور به‌سره وه‌رده‌وام بوێ
2020-04-26 10:54:25
شه‌فه‌ق نيوز/ جه‌نگيگ سه‌خت عه‌شايرى دوباره له سه‌عاته‌يل يه‌كه‌م ده‌مه‌و شه‌وه‌كى له باكوور شار به‌سره ده‌س وه‌پيكرد و وه‌رده‌وام بوێ تا وه‌خت مه‌لا بانگدان.
له‌ى باوه‌ته‌و، شايه‌تحاڵه‌يل ئه‌را شه‌فه‌ق نيوز وتن: له سه‌عاته‌يل يه‌كه‌م ده‌مه‌و شه‌وه‌كى تا وه‌خت مه‌لا بانگدان جه‌نگيگ سه‌خت عه‌شايرى له قه‌زاى مده‌ينه له باكوور شار به‌سره وه‌رده‌وام بويه‌و له‌تى چه‌ك سووك و نيچمه و قورسيش وه‌كار هاورياگه.
شايه‌تحاڵه‌يل باس له‌وه‌يش كردن ده‌نگ ته‌قه به‌رزتر بويه له ده‌نگ بانگ مزگفته‌يل له قه‌زاگه له رويداگيگ ك ده‌سڵاته‌يل ئه‌منى تواناى وساننه‌وه‌ى جه‌نگه‌گه نه‌ياشتنه، له‌وه‌ختيگ ك هاووڵاتيه‌يل له قه‌زاگه داوا له هيزه‌يل ئه‌منى كردنه ده‌خاڵه‌ت بكه‌ن ئه‌را وساننه‌وه‌ى ئه‌و جه‌نگه ك هاوه‌ن له‌تى وه‌كار هاورياگه.
