به‌غدا له‌باره‌ى بۆردومانكردن بنگه‌يل سه‌ربازێ باڵيۆز ئه‌مريكا چڕێ
شه‌فه‌ق نيوز/ محه‌مه‌د عه‌لى ئه‌لحه‌كيم وه‌زير خارجيه‌ى عراقى، له‌باره‌ى بۆردومانكردن بنگه‌يل سه‌ربازى حه‌شد شه‌عبى ك خرياسه وه‌رپرسيارێتى ئسرائيل، براين مه‌كفيته‌رز وه‌ڕيخه‌ر كاره‌يل باڵيۆزخانه‌ى ئه‌مريكا له به‌غدا چڕێ.
له‌و باوه‌ته‌و، باڵيۆزخانه‌گه له به‌ياننامه‌يگ وت: ئه‌لحه‌كيم له‌وه‌ر نه‌وين باڵيۆز ئه‌مريكا له عراق، مه‌كتفه‌رز چڕيه و ئاگادارى كردگه له پابه‌ندبوين وه خاڵه‌يل ريككه‌فتن ستراتيجى وه‌ل عراق له بواره‌يل ئه‌منى و ئابورى وه‌و شيوه‌گ بدێده مايه‌ى پته‌وكردن هاريكارى هاوبه‌ش له‌ناونى هه‌ردوگ وڵات له كه‌رته‌يل جياجيا.
به‌ياننامه‌گه له زووان وه‌زيريشه‌و وت: عراق پابه‌نده وه نه‌ريت هاوسايه‌تى وه‌ل هاوسايه‌يلى وه‌و شيوه‌گ ئاسايش عراق و ناوچه‌گه بپاريزيه‌ێد و يه‌يش ده‌رخست ك عراق مه‌يدانيگ نيه ئه‌را جه‌نگ و ناكووكى، به‌ڵكوو مه‌يدانيگه ئه‌را بنياتناين و گه‌شه‌كردن.
