به‌سره ديوار ئه‌منى نا و 128 كه‌س سه‌رپيچيكار له يه‌ك رووژ ده‌سگير كرد
شه‌فه‌ق نيوز/ وه‌ريه‌وبه‌رايه‌تى فه‌وجه‌يل ته‌وارى پاريزگاى به‌سره، ئاشكراى داناين ديواره‌يل كۆنكريتى ئه‌منى كرد له سه‌رجه‌م پاريزگاگه له‌وه‌ر جيوه‌جيكردن قه‌يه‌غه‌ى هاتوچوو ته‌ندروستى و پيشكه‌شكردن يارمه‌تى ئه‌را كارمه‌نده‌يل پزيشكى، وه‌ل ئه‌وه‌يشا ئاشكراى كرد ئى رێ وشوونه‌يله له‌وه‌ر جيوه‌جيكردن برياره‌يل شانه‌ى قه‌يرانه له پاريزگاگه‌و له هه‌مان وه‌خت جه‌ختيش له گرتن 128 كه‌س سه‌رپيچيكار كرد وه‌ل ده‌سوه‌سه‌ركردن زياتر له 370 سه‌ياره‌و ماتۆڕسكڵ.
له باوه‌ته‌و، عميد عه‌لى مشارى وه‌ڕيه‌وبه‌ر ته‌وارى به‌سره له باسيگ ئه‌را شه‌فه‌ق نيوز وت: وه‌ڕيه‌وبه‌رايه‌تيه‌گه له دويه‌كه جومعه‌وه ده‌سكرده‌سه دامه‌زرانن خاڵه‌يل وشكانن له‌گشت پاريزگاگه له‌وه‌ر جيوه‌جيكردن قه‌يه‌غه‌ى هاتوچوو ته‌ندروستى و بڵاوكردنه‌وه‌ى هووشيارى و پيشكه‌شكردن يارمه‌ى ئه‌را رووڵه‌يل پاريزگاگه‌و كادره‌يل ته‌ندروستى له كاره خوه‌يپاريزيه‌گه‌ى و وه‌شيوه‌يگ خاستر.
مشارى هه‌ميش وت: ئى رێ وشوونه‌يله له‌وه‌ر جيوه‌جيكردن بڕياره‌يل دانيشتن شانه‌ى قه‌يران ناوچه‌يى بويه له‌وه‌ر مقه‌يه‌تيكردن له گيان هاووڵاتيه‌يل له بڵاوبوينه‌وه‌ى ڤايرۆس كۆرۆناى تازه.
