شه‌فه‌ق نيوز/ بانك رافده‌ين حكومى، وشدارى دا له‌باره‌ى وجوود لاپه‌ڕه‌يل درووكانى له‌بان ماڵپه‌ڕه‌يل په‌يوه‌ندى كۆمه‌ڵايه‌تى ك باس له‌وه‌ ئه‌كه‌ن سلفه‌ و قه‌رز ئه‌يه‌نه‌‌ كارمه‌نده‌يل ده‌وڵه‌ت.

له‌ى باوه‌ته‌و، نويسينگه‌ى ره‌سانن بانكه‌گه‌ له‌ به‌ياننامه‌يگ ئه‌را ئاژانس شه‌فه‌ق نيوز وت: شماره‌يگ له‌ لاپه‌ڕه‌يل و ماڵپه‌ڕه‌يل په‌يوه‌ندى كۆمه‌ڵايه‌تى باس له‌وه‌ ئه‌كه‌ن ك ئاماده‌ن سلفه‌ بيه‌نه‌ ئه‌و كارمه‌نده‌يله‌ ك مووچه‌يليان جيگيره‌.

جى باسه‌، به‌ياننامه‌گه‌ باس له‌وه‌يش كرد ئه‌و لاپه‌ڕه‌و ماڵپه‌ڕه‌يله‌ درووكانى و ناياسايين و هه‌ر وه‌و خاتريشه‌ بانكه‌گه‌ وشدارى ئه‌ياد له‌ مامڵه‌كردن وه‌ليانا.