جاف له‌ باسيگ ئه‌را(شه‌فه‌ق نيوز)وت: ليژنه‌گه‌ له‌ هه‌ر پاريزگايگ ميوانداری نوينه‌ريگ له‌جيای كه‌س و كار قوربانيه‌يل كردگه‌ وه‌خاتر تاوتويكردن مه‌سه‌له‌ی سه‌ردان زيندانه‌يل و ئه‌رك ليژنه‌گيش ئه‌وه‌سه‌ په‌يجووری له‌ داواكاری و ده‌سميه‌ت خيزان قوربانيه‌يل بكا له‌ڕی ده‌رخستن چاره‌نويس رووڵه‌يليان.

جاف باس له‌وه‌يش كرد ك ليژنه‌گه‌ی داواكارييگ ئه‌را ميوانداری وه‌زير ته‌ندروسی كلكردگه‌ وه‌خاتر زانستن هووكار دوياكه‌فتن مه‌سه‌له‌ی ئاشكراكردن ئاكامه‌يل وشكانن تورش نه‌وه‌وی ئه‌را ته‌رمه‌يل ئه‌و قوربانيه‌يل سپايكه‌ره‌و جه‌خت له‌وه‌يش كرد ك بڕيگ له‌ ده‌وڵه‌ته‌يل هاوساو له‌وانه‌يش ئيران و توركيا ئاماده‌گی خوه‌يان ده‌رخستنه‌ ئه‌را هاوكاری و ده‌سميه‌تداين وزاره‌ت ته‌ندروسی وه‌خاتر متابقه‌كردن ئاكام وشكاننه‌يل DNAئه‌را ته‌رم قوربانيه‌يل سپايكه‌ر تا ته‌سليم وه‌ كه‌س وكاريان بكريه‌ن.