شه‌فه‌ق نيوز/ وڵاته‌يل يه‌كگرتگ سزا له‌بان سوپاى ميانمار چه‌سپان وه‌ داوه‌زانن ده‌سميه‌ته‌يل سه‌ربازى ئه‌را ئه‌و يه‌كه‌يل و ئه‌فسه‌ره‌يله‌ ك ده‌س ديرن له‌ كاره‌يل تون و تيژى دژ كه‌مينه‌يگ له‌ رۆهينغا.

له‌ى باوه‌ته‌و، هيزر نويرت قسه‌كه‌ر وه‌ناو وزاره‌ت خارجيه‌ى ئه‌مريكى له‌ به‌ياننامه‌يگ وت: ئيمه‌ نگه‌رانى خوه‌مان ده‌رخه‌يم له‌ ولايه‌ت راخين و ئه‌و ده‌سدريژيه‌يل سه‌خت و دڵته‌زنه‌ ك هاته‌سه‌ تويش روهينغا و مه‌ردمان تر.

به‌ياننامه‌گه‌ جه‌خت له‌وه‌ كرد و وت: بايه‌سه‌ موحاسبه‌ى هه‌ر كه‌س و وه‌رپرسيگ بكريه‌يد ك ده‌س له‌و كرده‌وه‌يله‌ داشتنه‌ دژ مه‌ردم رۆهينغاو له‌وانه‌يش لايه‌نه‌يل كاراێ ناحكومى.