هه‌نارده‌يل نه‌فت سعودى روێ له داوه‌زين كرد
شه‌فه‌ق نيوز/ شماره‌يل ده‌سپيشخه‌رى هاوبه‌ش ئاماره‌يل نه‌فتى"جودى"، ئاشكراى داوه‌زين هه‌نارده‌يل نه‌فتى سعودى كرد له نه‌فت خام وه ريژه‌ى 3,2 له‌سه‌د له‌بان بنه‌ماى مانگانه له حزه‌يران گوزه‌يشت.
هه‌نارده‌يل نه‌فت شانشين عه‌ره‌بى سعودى داوه‌زى ئه‌را 6,72 مليۆن به‌رميل رووژانه، وه‌رانوه‌ر 6,94 مليۆن به‌رميل رووژانه له مانگ ئه‌يار گوزه‌يشت، له‌وه‌ختيگ ك سعوديه گه‌وراترين هه‌نارده‌كار نه‌فت خامه له جه‌هان ك هه‌رچه‌نى وه پله‌ى سێيه‌م ئه‌ياد له قه‌واره‌ى به‌رهه‌م دوياى هه‌ريه‌ك له روسيا و وڵاته‌يل يه‌كگرتگ.
جى باسه، جودى ريكخرياگيگ ناوده‌وڵه‌تيه ك وه‌بڕياريگ له به‌رهه‌مهاوه‌ره‌يل نه‌فت له جه‌هان له سه‌ره‌تاى ساڵه‌يل نه‌وه‌د سه‌ده‌ى گوزه‌يشت دامه‌زريا و ئامانجى گرده‌وكردن شماره‌يل و ئاماره‌يل په‌يوه‌س وه به‌رهه‌م نه‌فته له جه‌هان و له‌شێوه‌ى دراسات پيشكه‌شى ئه‌كا.
