نه‌تانياهۆ: ئيران پاريزبه‌ندى له هويچ شوونيگ نه‌يرێد
2019-08-25 09:26:34
شه‌فه‌ق نيوز/ بنيامين نه‌تانياهۆ سه‌رۆك وه‌زيره‌يل ئسرائيلى وت: وه هه‌وڵ كرده‌وه‌يل به‌رز، په‌لاماريگ له‌لايه‌ن هيز قودس و ميليشيايه‌يل پويچه‌ڵه‌و كرديم و ئيرانيش پاريزبه‌ندى له هويچ شوونيگ نه‌يرێد.
نه‌تانياهۆ له به‌ياننامه‌يگ ك له‌بان لاپه‌ڕه فه‌رميه‌گه‌ى له تويته‌ر بڵاو كريا، وت: دوباره‌ى ئه‌كه‌مه‌و ك ئيران پاريزبه‌ندى له هويچ شوونيگ نه‌يرێد و هيزه‌يلمان وه‌گشت لايگه‌و كار دژ دوشمن ئيرانى ئه‌كا.
جى باسه، سه‌رۆك وه‌زيره‌يل ئسرائيلى هه‌ميش وت: رينمايى درياگه له‌وه‌ر ئاماده‌كارى ئه‌را گشت سيناريۆيگ دژ وه ئيران و ريكخرياگه‌يل سه‌ر ئيران، يه‌يش له‌وه‌ختيگه سوپاى ئسرائيلى ئه‌وه ده‌رخست ك هيزه‌يلى چه‌ن بنگه‌يگ سه‌ر وه فه‌يله‌ق قودس ئيرانى له ئاوايى عه‌قره‌با له باشوور خوه‌رهه‌ڵات ديمه‌ش كرده‌سه ئامانج.
