شه‌فه‌ق نيوز/ هه‌ردوگ سه‌رۆك كۆرياى باكوور و باشوور ريككه‌فتننامه‌يگ ئاشتى له‌ناونى خوه‌يان ئمزا كردن و له‌يه‌و دويا برياره‌ گام دژ وه‌ يه‌كترى بنبڕ بكه‌ن.

ئمزاكردن ئى ريككفه‌تننامه‌ له‌شوون ئه‌وه‌ هات ك ئمڕوو ئه‌را يه‌كه‌مجار له‌دوياى زياتر له‌ نيم سه‌ده‌ كیم جۆن ئۆن سه‌رۆك كۆریاى باكوور سه‌ردان كۆریاى باشوور كرد و له‌لایه‌ن مۆن ئان كیم سه‌رۆك كۆریاى باشووره‌و له‌ مه‌رز سه‌ربازى ناونیان پيشوازى له‌لى كرياو دوياخريش دانيشتنيگ ساز كردن.  

له‌ى باوه‌ته‌و، مۆن ئان كیم سه‌ر‌ۆك كۆریاى باشوور له‌دوياى ئمزاكردن ريككه‌فتننامه‌گه‌ وت: ناوچه‌ى له‌چه‌ك لاورياگ ناونيمان ئاڵشت كه‌يم وه‌ ناوچه‌ى ئاشتى و ملله‌ت هه‌ردوگ كۆريايش يه‌ك نه‌ته‌وه‌ن.