شەفەق نیوز/ ئاژانس خەوەری سعودیە وت: عیراق و سعودیە رێککەفتن لەبان وەردەوامی کاریان ئەرا هاوردنەوەی هاوسەنگی بازاڕەیل نەفت، ودووپات کردن وەپابەندبوینیان وەکەمەوکردن بەرهەمهاوردن ک ئۆپیک لەبانی رێککەفتگە وەل روسیا و دەوڵەتەیلیگ تر.
ئاژانسەگە هەمیش وت؛ کۆمینتەگان لەدویای سەردان سعودیە لەلایەن عەلی عەلاوی وەزیر نەفت عیراق هاتن ک خوەی کار وەزیر نەفت ئه‌نجام ئه‌یاد ئەرا گفتوگوکردن دەربارەی رەوش نەفت وەل وەزیر وزەی سعودی.
ئاژانسەگە وتیش؛ هەدوگ لایەن باس لەرەزامەنی خوەیان کردن لە خاسەوبوین رەوش نەفت.
کەناڵ عەرەبیەی سعودی باسکرد ک عیراق رێککەفتگە وەل کۆمپانیایل سعودی ئەرا وەبەرهێنان کێڵگەی گاز عەکاز له‌ خوەرئاوای وڵاتەگە. کێڵگەی عەکاز هالە پارێزگای ئەنبار، خوەی گه‌وراترین کێڵگەی گازه‌ لە عیراق.