شماره‌ى قوربانيه‌يل كۆرۆنا له چين روێ له زيايبوين كرد
2020-02-01 08:09:54
شه‌فه‌ق نيوز/ ته‌له‌فزيۆن چينى له‌زووان ليژنه‌ى ته‌ندروستى نيشتمانى وت: شماره‌ى ئه‌و كه‌سه‌يله گيان له‌ده‌سدانه له‌ئه‌نجام تويشهاتن وه ڤايرۆس كۆرۆنا له وڵاته‌گه به‌رزه‌و بويه ئه‌را 259 كه‌س.
ده‌سڵاته‌يل چينى له زويتر ئاشكراى گيان له‌ده‌سداين 43 كه‌س كردن له ئه‌نجام تويشهاتن وه‌و ڤايرۆسه، وه‌لێ ئه‌و شماره ئمڕوو به‌رزه‌و بوى و ره‌سيه 259 كه‌س وه‌ل تويشهاتن نزيكه‌ى 11791 كه‌س.
جى باسه، هيمان جاده‌يل شار وۆهان داخريانه ك سه‌رچه‌وه‌ى بڵاوبوينه‌وه‌ى ئه‌و ڤايرۆسه بوێ و سه‌ره‌تايش له‌و شاره‌و حاڵه‌ته‌يل ويشهاتن وه نه‌خوه‌شى كۆرۆنا تۆمار كريا.
