سعوديه ته‌نيا ده‌روازه‌ێ زه‌مينى قه‌ته‌ر وه‌ل جه‌هان به‌سا
2017-06-19 07:55:00
شه‌فه‌ق نيوز/ ده‌سڵاته‌يل سعودێ ده‌روازه‌ێ مه‌رزێ"سه‌لوا" وه‌ل قه‌ته‌ر به‌سا، ك ته‌نيا ده‌روازه‌يگ زه‌مينيه هه‌ردوگ وڵاته‌گه ئه‌وه‌سێده گشت ده‌وڵه‌ته‌يل جه‌هان.
به‌سانن ئى ده‌روازه دوياێ ته‌مامبوين موڵه‌ت 14 رووژ هات ك رياز ده‌سنيشانى كرد ئه‌را ده‌رچگن هاووڵاتيه‌يل قه‌ته‌رى له‌ناو خاكه‌يل سعودى، ئه‌ويش له چوارچيوه‌ێ له‌وه‌رگرتن ڕى و شوونه‌يل بڕين په‌يوه‌ندێ وه‌ل دۆحه له‌لايه‌ن سعوديه و به‌حره‌ين و ئيمارات و بڕيگ له ده‌وڵه‌ته‌يل تر له‌ئاكام قه‌يران قه‌ته‌رى - كه‌نداو.
جى باسه، ده‌روازه‌ێ مه‌رزى سه‌لوا له سه‌ره‌تاێ ئمساڵ گه‌وراترين جموجويل هاتوچوو وه‌خوه‌يه‌و دێ و ره‌سيه 37267 مسافر.
