زه‌ويه‌له‌رزه‌ى گه‌ورايگ له يابان روێدا
2019-05-10 11:26:25
شه‌فه‌ق نيوز/ ده‌مه‌و شه‌وه‌كى ئمڕوو زه‌ويه‌له‌رزه‌يگ وه‌هيز 6.3 پله‌ى ريخته‌ر جوور ئه‌وه‌گ په‌يمانگاى ئه‌مريكى ئه‌را جيوفيزيا ئاشكراى كرد له نزيك كناراوه‌يل ناوچه‌ى ميازاكى له باشوور خوه‌راواى يابان روێداو ده‌سڵاته‌يل ئه‌و وڵاتيشه كه‌فتنه‌وه‌ى تسونامى دويره‌و خستن.
ده‌سڵاته‌يل يابانى باس له‌وه كردن مه‌ردم ناوچه‌ى ميازاكى و به‌شيگيش له ناوچه‌يل تر ده‌وروه‌ر هس وه‌و زه‌ويه‌له‌رزه كردنه، وه‌لێ ئاژانس كه‌شناسى يابانى جه‌خت له‌وه كرد هيز ئه‌و زه‌ويه‌له‌رزه 6.3 پله‌ى ريخته‌ر بويه‌و رويداين تسونامييش دويره‌و خست.
جى باسه، رووژنامه‌نويسه‌يل له تووڕ گشتى ته‌له‌فزيۆن ئێن ئێتش كه‌ى ئاماژه وه ئه‌وه كردنه حاڵ حازر له گرته ڤيديۆيه‌يل تووڕه‌گه هويچ زه‌ره‌ديگ له‌و زه‌ويه‌له‌رزه تۆمار نه‌ويه ك ئه‌را ماوه‌ى 10 چركه وه‌رده‌وام بويه.
