زه‌ويه‌رله‌رزه له‌چه‌ن پاريزگايگ مسر روێدا
2017-01-22 06:59:00
شه‌فه‌ق نيوز/ زه‌ويه‌له‌رزه وه هيز4 پله له‌بان پێوه‌ر ريكخته‌ر دا له‌چه‌ن پاريزگايگ مسرى و مه‌ردم ئه‌و پاريزگايه‌يله هس وه‌پى كردن، وه‌لێ وه‌بى كه‌فتنه‌وه‌ى هويچ زه‌ره‌ديگ گيانى يا ماددى.
له‌ى باوه‌ته‌و، دكتۆر حاته‌م عۆده سه‌رۆك په‌يمانگاى نه‌ته‌وه‌يى ئه‌را توێژينه‌وه‌ى گه‌ردوونناسى و جيوفيزيقى له لێدوانيگ ئه‌را هووكاره‌يل ره‌سانن ناوچه‌يى وت: پاريزگايه‌يل ئه‌لقاهيره و ئه‌لشه‌رقيه‌و ئه‌لئسماعيليه كاريگه‌ر بوينه وه‌و زه‌ويه‌له‌رزه‌و له‌نزيك شار ئه‌لعاشر من ره‌مه‌زان روێداگه.
جى باسه، عۆده هه‌ميش وت: ئى زه‌ويه‌له‌رزه له نزيكه سه‌عات 6،55 ده‌قه‌ى ئيواره‌ى شه‌ممه وه وه‌خت ناوچه‌يى روێداگه و باس له‌وه‌يش كرد ك مسر ئه‌كه‌فێده ده‌يشت شاڵ له‌رينه‌وه‌ى زه‌مينى و وڵاتيگه ئه‌مان له‌ڕوى زه‌ويه‌له‌رزه.
