رووژنامه‌يگ ئاشكراى كرده‌وه‌يگ ئه‌منى مارينز دژ قاعيده كرد
شه‌فه‌ق نيوز/ رووژنامه‌ى نيويۆرك تايمز ئه‌مريكى، باس شيواز كرده‌وه‌يگ ئه‌منى قورس هيزه‌يل مارينز ئه‌مريكى كرد له 2017 دژ چه‌كداره‌يل ريكخرياگ قاعيده له مه‌رزه‌يل تونس و جه‌زاير.
رووژنامه‌گه له زووان شايه‌تحاڵه‌يل له ده‌رياوانه‌يل تونسى وت: كه‌شتيه‌يليگ سه‌ر وه سوپاێ ئه‌مريكا وه‌رجه دوساڵ ره‌سيه‌سه بنگه‌ى ده‌رياوانى له پاريزگاى بنزرت له‌باكوور وڵاته‌گه‌و سه‌ربازه‌يل مارينز ئه‌مريكى جه‌نگ سه‌ختيگ له خوه‌رئاواى تونس كردنه وه‌تايبه‌ت له مه‌رزه‌يل ناونى تونس و جه‌زاير وه‌ل شماره‌يگ له چه‌كداره‌يل قاعيده.
رووژنامه‌گه وت: ده‌سڵاته‌يل تونسى تواسگه مه‌سه‌له‌گه ئاشكرا نه‌كريه‌ێد له‌وه‌ر ئه‌وه‌گ فريه حه‌ساس بويه چوينكه ئه‌ويش به‌شدارێ هيزه‌يل بيگانه بويه له كرده‌يگ ئه‌منى له‌ناو خاكه‌يل تونسى و له‌و كرده‌وه‌يشه سه‌ربازيگ تونسى و سه‌ربازيگيش ئه‌مريكا زه‌خمدار بوينه.
