شه‌فه‌ق نيوز/ راپۆرتيگ ميونخ ئه‌را ئاسايش له‌ 2019، ئاشكراى به‌رزه‌وبوين داهات خوه‌رهه‌ڵات ناوين كرد له‌ چه‌ك له‌ناونى ساڵه‌يل 2013 و 2017، ئه‌ويش وه‌ به‌راورد وه‌ل په‌نج ساڵ زويتر.

له‌ى راپۆرته‌ باس له‌وه‌ كرياگه‌ 53 له‌سه‌د له‌ هه‌نارده‌يل چه‌ك ئه‌را وڵاته‌يل خوه‌رهه‌ڵات ناوين له‌ وڵاته‌يل يه‌كگرتگ ئه‌مريكاو 11 له‌سه‌د له‌ فره‌نساو 10 له‌سه‌د له‌ شامشين يه‌كگرتگ و 2 له‌سه‌د له‌ توركياوه‌ بويه‌و باس له‌وه‌يش كردگه‌ ك يه‌كێتى ئورپا هويچ ده‌وريگ له‌ ئاينده‌ى سوريا نه‌يرێد دوياى ئه‌وه‌گ ئه‌مريكا ئاشكراى كيشاننه‌وه‌ى هيزه‌يلى دا له‌و وڵاته‌و ده‌ور گه‌ورا ئه‌كه‌فێده‌ لاى روسياو ئيران و توركيا.

جى باسه‌، راپۆرته‌گه‌ وشدارى دا له‌ مه‌ترسى جه‌نگ له‌ خوه‌رهه‌ڵات ناوين له‌ناونى سعوديه‌و ئه‌مريكاو ئسرائيل و ئيران ك ئه‌و جه‌نگيشه‌ شايه‌ت روێ له‌ يه‌مه‌ن يا كه‌نداو عه‌ره‌بى يا عراق بكا.