خوه‌ينيشانداين له‌نوو له چه‌ن شاريگ ئيرانى ده‌سوه‌پيكرد
شه‌فه‌ق نيوز/ شه‌و دوشه‌ممه له‌بان سێشه‌ممه له چه‌ن شاريگ ئيرانى له‌نوو ده‌سكريا خوه‌ينيشانداين و چالاكوانه‌يل له‌ڕێ ماڵپه‌ڕه‌يل په‌يوه‌ندێ كۆمه‌ڵايه‌تى وه ڤيديۆ و وێنه بريگ له‌و خوه‌ينيشانداينه‌يله ده‌رخستن له شاره‌يل به‌نده‌ر عه‌باس له باشوور وڵاته‌گه‌و نه‌جه‌ف ئاباد له پاريزگاى ئه‌سفه‌هان و كرمان له باشوور خوه‌رهه‌ڵات و له شيراز ناوه‌ند پاريزگاى فارس.
له‌و گرته‌يل ڤيديۆييه ك چالاكوانه‌يل بڵاويه‌و كردن له‌بان ماڵپه‌ڕ په‌يوه‌نديه‌يل كۆمه‌ڵايه‌تى، مه‌ردمان فريه‌يگ له شار به‌نده‌ر عه‌باس ده‌ركه‌فت ك هتاف كيشيان ئه‌را گرده‌وبوينه‌وه‌ى مه‌ردمان زياتر.
جى باسه، له باقى شاره‌يل تر ناوبرياگ ئيرانيش خوه‌ينيشانداينه‌يل تازه‌يگ ده‌سوه‌پيكرد و له‌تى خوه‌ينيشانده‌ره‌يل هتاف دژ رژيم ئيرانى كيشيان و داوا له هيزه‌يل ئاسايش ناوخوه‌يى كرديان پشتگيرى له ئاشتيانه‌ێ خوه‌ينيشانداينه‌يل بكه‌ن و زوڵم و سته‌م له مه‌ردم نه‌كه‌ن.
