شه‌فه‌ق نيوز/ ماڵپه‌ڕ "ديبكا"ى هه‌واڵگرى ئسرائيلى باس له‌وه‌ كرد ك دۆناڵد ترامپ سه‌رۆك ئه‌مريكى له‌ رياز پايته‌خت سعوديه‌وه‌ ئاشكراى "ناتۆێ عه‌ره‌بى ئسلامى سنى" ئه‌كا.

ماڵپه‌ڕه‌گه‌ يه‌يش ده‌رخستك سعوديه‌ گرينگى فريه‌يگ وه‌و سه‌ردانه‌ ئه‌ياد ك سه‌رۆك ئه‌مريكى ئه‌نجامى ئه‌ياد و باس له‌وه‌يش كرد ك سه‌لمان بن عه‌بدولعه‌زيز شاى سعودى داوه‌ت 17 له‌ سه‌رۆكه‌يل وڵاته‌يل عه‌ره‌بى و ئسلامى ئه‌كا ئه‌را به‌شدارى له‌ ديدار ترامپ ك بڕياره‌ له‌ 22 مايۆێ ئيسه‌.

جى باسه‌، ماڵپه‌ڕ ناوبرياێ هه‌ميش وت: له‌ناونى ئه‌و سه‌ركرده‌يل و سه‌رۆكه‌يل عه‌ره‌بى و ئسلاميه‌ ك داوه‌ت ئه‌كريه‌ن، سه‌كرده‌يليگ له‌ ده‌وڵه‌ته‌يل ئه‌نجومه‌ن هاوكارى كه‌نداوييش وجوود ديرن وه‌ل شا عه‌بدوڵڵاى دويه‌م پادشاى ئوردن و محه‌مه‌د شه‌شه‌م شاى مه‌غرب و عه‌بدولعه‌زيز بوته‌فليقه‌ سه‌رۆك جه‌زاير و ئه‌لباجى قائد ئه‌لسبسى سه‌رۆك تونس و حه‌يده‌ر عبادى سه‌رۆك حكومه‌ت عراقى.