بڕيار تازه‌يگ له‌باره‌ى كووچكردن وه‌ره‌و ئه‌مريكا ده‌رچێ دژ رينمايه‌يل تره‌مپ
2019-07-25 09:53:50
شه‌فه‌ق نيوز/ دادوه‌ر فيدراڵى له ولايه‌ت كاليفۆرنيا، فه‌رمانيگ سه‌ره‌تايى ده‌ركرد و له‌تى قه‌يه‌غه‌ى كاركردن وه‌و رێ وشوونه‌يله كرد ك دۆناڵد تره‌مپ سه‌رۆك ئه‌مريكا گرته‌سه‌ى وه‌ر و نواگيرى له وه‌رگرتن ماف په‌نابه‌رى كرد له حاڵه‌تيگ ئه‌گه‌ر له مه‌كسيكه‌و چينه‌سه ناو وڵاته‌يل يه‌كگرتگ.
له‌ى باوه‌ته‌و، دادوه‌ر جۆن تيگار حكمه ئه‌و بڕياره ده‌ركرد و راسه‌وخۆ كارا بويه دوياى دانيشتنيگ گوشتگرتن له رێ وشوونه‌يليگ ك جى مشتومڕ بويه له‌ى باوه‌ته‌و ك حكومه‌ت ئه‌مريكى وه‌خواست زانستنه‌سه‌ى ئه‌را وسانن جموجويل كووچبه‌ره‌يل.
جى باسه، بڕياره‌گه‌ى تيگار ئى رێ وشوون تازه‌يله جيوه‌جى ناكا تاوه‌ختيگ گشت كيشه‌يل و تانه‌يل ياسايى چاره‌سه‌ر ئه‌كريه‌ێد و ئستنكار ئه‌و بڕياره كرد ك له‌لايه‌ن حكومه‌ت ئه‌مريكيه‌و ده‌رچێ.
