شه‌فه‌ق نيوز/ حه‌بيبوڵڵا سه‌يارى ده‌سميه‌تده‌ر كاروبار ريكخستن له‌ سوپاى ئيرانى، ئاشكراى ده‌سوه‌پيكردن مانۆڕاێ "محه‌مه‌د ره‌سولوڵا"ى هاوباش سوپاى ئيرانى كرد ئه‌را سوو دوشه‌ممه‌و ئه‌را ماوه‌ى دو رووژ له‌ ناوچه‌يل باشوور و باشوور خوه‌رهه‌ڵات وڵاته‌گه‌و كناره‌يل مكران و ده‌رياچه‌ى عومان.

له‌ى باوه‌ته‌و هووكاره‌يل ره‌سانن ئيرانى وتن: سه‌يارى وتگه‌ ئامانج له‌ى مانۆڕايه‌يله‌ به‌رزه‌وكردن ئاست هونه‌ره‌يل جه‌نگى و توانايه‌يل سوپاێ ئيرانى و جيوازكردن شاره‌زاييه‌ ئه‌را جايه‌ڵ جوانه‌يل به‌شدار له‌و مانۆڕاو مه‌زه‌نه‌كردن ته‌كتيكه‌يل و تواناى جموجمويل سوپاو ريكخستن له‌ناونى هيزه‌يل و به‌رزه‌وكردن ئاست پلانه‌يل ئه‌را ئه‌نجامداين مانۆڕاى هاوبه‌ش له‌ هه‌ر وه‌خته‌يل تر.

جى باسه‌، هه‌مان هووكاره‌يل ره‌سانن يه‌يش ده‌رخستن ك فراوانكردن ئى كرده‌وه‌يله‌ كناره‌يل مه‌كران و ده‌رياچه‌ى عومانيش ئه‌گرێده‌و تا مه‌دار 15 پله‌ێ باكوور و به‌شدارى هيزه‌يل سه‌ر وه‌ سوپا ك هيزه‌يل پياده‌و ئاسمانى و ده‌رياوانييش گرته‌سه‌ خوه‌ى وه‌ل باره‌گاى وه‌رگرى ئاسمانى و باس له‌وه‌يش كردن ئى مانۆڕا په‌ياميگ ئاشتى و دووسايه‌تييش ئه‌گرێده‌ خوه‌ى ئه‌را ده‌ه‌وڵه‌ته‌يل ناوچه‌گه‌.