ئه‌مريكا ته‌ياره‌يل "بلاك هۆك" ئه‌را روێ وه‌ڕوێ بونه‌وه‌ى داعش دا ئوردن
شه‌فه‌ق نيوز/ وڵاته‌يل يه‌كگرتگ ئه‌مريكى هيز بڵاوبوينه‌وه‌ى گورج ته‌سليم وه ئوردن كرد له دويا وه‌جبه‌يگ له ته‌ياره‌يل كۆپته‌ر "بلاك هۆك" وه ئامانج بته‌وكردن وه‌رگريه‌يل مه‌رزێ شانشينه‌گه‌و به‌شداريكردن له كرده‌وه‌يل سه‌ربازێ ده‌يش مه‌رز دژ تونڕه‌وه‌يل ريكخرياگ ترۆريستى داعش.
له‌ى باوه‌ته‌و، وه‌رپرسه‌يل ئه‌مريكى وتن: ده‌سميه‌ته‌يل سه‌ربازێ ئه‌را ئوردن ده‌سميه‌ته ئه‌را بنياتناين توانايه‌يل سه‌ربازێ شانشين ئوردنى له چوارچێوه‌ى سراتيجيه‌ت فراوانتر هه‌رێمى.
جى باسه، له رێ وڕه‌سم ته‌سليمكردن ئه‌و ته‌ياره‌يليشه ك شماره‌يان 12 ته‌ياره‌سه هه‌ر يه‌ك له جه‌نراڵ جوزيف فوتيل سه‌ركرده‌ى سه‌ركردايه‌تى ناوه‌ندى و فه‌ريق روكن مه‌حمود فرێحات سه‌رۆك ده‌سه‌ێ ئه‌ركان هاوبه‌ش ئوردنى ئاماده بوين له بنگه‌ێ ئاسمانى شا عه‌بدوڵڵا ك وه دويرێ 35 كم ئه‌كه‌فێده باكوور عه‌مان پايته‌خت.
