شه‌فه‌ق نيوز/ ره‌جه‌ب ته‌يب ئه‌ردوغان سه‌رۆك توركى جه‌خت له‌وه‌ كرد ك توركيا چه‌نه‌ها به‌ديل ديرێد له‌جياى چگنه‌ناو يه‌كێتى ئۆرپا، يه‌يش له‌وه‌ختيگ ك په‌يوه‌نديه‌يل ناونى ئه‌نقه‌ره‌ و برۆكسل گرژى تونيگ وه‌پيه‌و دياره‌.

ئه‌ردوغان له‌ وتاريگ له‌ ئه‌سته‌مبوڵ وت: هيمان كتاو يه‌كێتى ئۆرپا نه‌وه‌سايمنه‌، وه‌لێ ديمه‌ن ئيسه‌ ده‌رفه‌ت ئه‌وه‌ له‌تى نيه‌ خوه‌شاڵى داشتويم و توركيايش چه‌نه‌ها به‌ديل ديرێد له‌جياى چگنى وه‌ناو يه‌كێتى ئۆرپا.

جى باسه‌، ئى لێدوانه‌يل ئه‌ردوغانه‌ دوياى چه‌ن هه‌فته‌يگ له‌ گرژى ناونى ئه‌نقه‌ره‌و برۆكسل هات ك ده‌سڵاته‌يل توركى وه‌ له‌ناوبردن ئۆپۆسيۆن تومه‌تبار ئه‌كريه‌ێد له‌وه‌خت هه‌وڵه‌يل شكه‌ست كوده‌تاگه‌ له‌ ناوڕاس مانگ ته‌ممووز گوزه‌يشت له‌ توركيا.