مه‌حمود عوسمان ئه‌ندام سه‌روه‌خوه‌ی هاوپه‌يمانی له‌ ئه‌نجوومه‌ن نوێنه‌ره‌يل له‌ باسيگ ئه‌را( شه‌فه‌ق نيوز) وت: هه‌ڵويست كورد و سه‌ركردايه‌تی هه‌رێم ئاشكراسه‌ له‌لای گشت كه‌سيگ له‌ وه‌رانوه‌ر ئه‌و رويداگه‌يله‌ ك رويده‌ن له‌ ئه‌نبار و له‌هه‌مان وه‌خت لايه‌نگر تيكه‌ڵكردن سوپای عراقی نيه‌ له‌ ناكوكيه‌يل ناوخوه‌يی و تيكه‌ڵ له‌ناونی ئه‌وه‌گ كی قاعيدی يا ترۆريستيه‌و بايه‌سه‌ دژايه‌تی بكريه‌يدو ناونی كی ناڕه‌زاس له‌بان سياسه‌ت حكوومه‌ت و خاوه‌ن داواكاريه‌.

عوسمان هه‌ميش وت: كورد فيشتر له‌ جاريگ جه‌خت له‌وه‌ كردنه‌ ك دژ ترۆرن و ئاماده‌ن هاوكاری بكه‌ن وه‌ل حكوومه‌ت عراقی ئه‌را له‌ناوبردنی و ئه‌وه‌ خسته‌ دروو ك گوايا كورد له‌ دويره‌و ته‌ماشا كه‌ن و چه‌وه‌رِی ئاكامه‌يل ئه‌كه‌ن تا هه‌ڵويست خوه‌يان ده‌رخه‌ن.

ج . أ