ساڵح سه‌ركرده‌يل سياسى له باره‌ى چه‌وه‌ڕێكردن يه‌يجورى ته‌قينه‌وه‌ى سه‌ربازگه‌يل ئاگادار كرد
شه‌فه‌ق نيوز/ به‌رهه‌م ساڵح سه‌رۆك كۆمار، داواى خواست چه‌وه‌ڕيكردن ئه‌نجام په‌يجوريه‌يل كرد له‌باره‌ى بۆردومانكردن سه‌ربازگه‌يل حه‌شد شه‌عبى له‌وه‌ر خاتر ده‌رچگن وه يه‌ك هه‌ڵوێست ك گوزارش له مقه‌يه‌تيكردن مافه‌يل وڵاته‌گه بكا.
ساڵح له ديدارى وه‌ل نورى مالكى سه‌رۆك ئئتلاف ده‌وڵه‌ت ياساو هادى عامرى سه‌رۆك هاوپه‌يمانى فه‌تح و سه‌ليم جبورى سه‌رۆك وه‌رين ئه‌نجومه‌ن نوێنه‌ره‌يل جه‌خت له چه‌وه‌ڕيكردن ئه‌نجام په‌يجوريه‌يل كرد له‌باره‌ى بۆردمان و ته‌قينه‌وه‌ى سه‌ربازگه‌يل حه‌شد شه‌عبى وه‌خاتر ئه‌وه‌گ وه يه‌ك هه‌ڵويست گوزارش له مقه‌يه‌تيكردن له مافه‌يل وڵاته‌گه بكريه‌ێد وه پته‌وكردن ئاسايش و سه‌روه‌خوه‌يى و سه‌روه‌ريه‌گه‌ێ.
جى باسه، ساڵح له به‌ياننامه‌يگ سه‌رۆكايه‌تى له ميانه‌ى ئه‌و ديداره، جه‌ختيش له ره‌ته‌وكردن سياسه‌ت محوه‌ره‌يل و پاكسازيكردن هساوه‌يل كرد و ئه‌وه‌يش ره‌ته‌و كرد ك عراق بدێده شوون ده‌سوه‌پيكردن جه‌نگ و له‌ليه‌و ده‌سدريژێ بكريه‌ێده بان هه‌ر ده‌وڵه‌تيگ هاوساو ناوچه‌گه.
