كه‌ڕاده ئاوايی كوردو يه‌هودی نشين
«جافه‌ر خه‌یات» وه‌ڕه‌يوه‌ر گشتێ تكنێكی عيراق ك ئه‌ی كتاو له ئه‌نگليزی ئه‌ڵگه‌ردانه‌يه‌سه‌وه عه‌ره‌وی، له به‌شێگ له‌ی كتاوه‌ی فره‌يزه‌ر ئه‌ی جووره كوره‌ديل وه‌سف ئه‌كا:... له‌يره جارتره‌ك له‌سه‌ر دوسه‌يل كوردم نويسم، له كه‌سه‌يلێگ شايه‌د فره دوينان و دی شه‌كه‌تدان كردويد. ئه‌وان هه‌چوی نه‌ته‌وه‌يل تره‌ك له‌ئه‌نجام مه‌رج و سه‌ختيه‌يل ژيان ئه‌ڵكه‌فتنه، وه‌لی تايبه‌تمه‌نديه‌يليان م وه‌ره‌و لای خوه‌يان كێشا.
كورده‌يل فره جوانمێر و مێوان په‌رستن و له ناوێان هه‌ست وه بێگانه بوين ناكه‌م، وه‌لی مێوان په‌ره‌ستی و پێشوازی وان وه مه‌مه‌ر فه‌قيری و هه‌ژاری و سه‌ختيه‌يلێگ وه‌ليا ئيسه رويوه‌روی بوينه، كه‌مه‌و بويه.
ئه‌وان هه‌چوی ئه‌ی دويای هووزه‌يل وه ده‌س شێخێگ ناودار له‌هووز خوه‌يان ئيداره ئه‌دون و وه‌ی شێوه ك نيه‌ود باريده‌ی زووان وه ئه‌ندامه‌يل هووز خوه‌يان پايبه‌ندن و خوه‌شيانيش فره خوزان.
له رێ به‌غدا
ده‌روازه‌ی سلێمانی(يه كم نۆامبرساڵ ١٨٣٤)
دويای ده‌رچێن له سلێمانی وه‌ره‌و زاڵه يه‌كێگ له ئاواييه‌يل كوردنشين ده‌يشت له شار سێلمانی ره‌سيم.
دويای ره‌سين وه ئه‌ی ئاواييه وه رێ خوه‌مان له ناو سه‌رزه‌مين ناهامار كوردستان وه‌رده‌و‌امی دايم، تايه‌گ وه ئاوايی كه‌ڕاده ره‌سيمن. له ئه‌ی ئاواييه نزيك وه دوسه‌د ماڵ هه‌س ك چاره‌كێگ له نيشته‌جيه‌يلێ يه‌هوديه‌يل پێكهاوردنه.
له‌ی ئاواييه، كورده‌يل وه‌ل يه‌هوديه‌يڵا وه شێوه‌ێگ فره دوسانه ژيان كه‌ن. دويای وه‌گ له ناوچه‌ی هه‌ماوه‌ند له نزيكی ئاوايی كه‌ڕاده ره‌د بويم، ماڵه‌يل ك له‌يره نيشته‌جی بوين، شه‌شه سه‌د ماڵ بوين. وه‌ختێگ له مه‌مه‌ر سه‌گرمه يه‌كێگ له گه‌وراترين ده‌رواه‌زه‌يل كوردستان ره‌ێ بويم، كورده‌يل وه‌پێ ئويشن ده‌ربه‌ند.
