وەهوفنی ریکەم

خو من لەئاسمان فرە وەنابنگم

بەڵاچەگان

وێنەیل لەشوین یەک ئەرام گرن

وەختا من وەپاڵتاوەگەمەو خڕخوەم

جوور دەوریشەیل تەریقەی مەولەوی

.....

من فرە وەناوبانگم

لەو مەیخانەیلە ک لەناوی وەجام مەی خوریەێد

من سوڵتان تەریقتیانم

وەنە ئەرا؟

لە گشت خەفتنیگ پەڕویگ ئەرام پێشکەش کەێد

ودوو بەیت لە شعرەیل حافز شیرازی؟

وهەروختیگ وەریەیل یەخینەو رەدبویم

مەلەیل وەچوادەورمەو باڵگرن

جوور ئەو ژنەیلە

ک لەچواردەور جادوبازیگ نیشن

لە ماڵەیل شیوە کەوانی

وئاو ئەرایان رەوانە کەێد

تا بکەنەی تەوەڕک

........

لە کویچەیل پێر

من فرە وەناوبانگم

دەنگ خشتەیل وەڕزار نریاگ ژنەفم

تا دڕندە پیچ بخوێدە دەسیەیل ناخم

هەنای دەس تێەرمە بان مل عشقیگ کۆن

تا بون ناڵەی شاریاگەو بکەم

ئەو چادرە ک لاونیگ وناڵنیگ

لەناوی شاریەمەو

تا وەرەو ناو بەرزەو بووم

وە سۆزی بڵاوەبوومە گشت شوینەیلی

لە شوینەیلیگ ک (گاستون باشلار) نەدیەسەیان

........

مینیەی ئەوە کەم ک جوور خایە زایەم

وهیشتەم

لەناو دڵ زەوییگ داچەڵەکیای

جوور ریشەیگ سەرەوبان هیشتەم

تا هەفت تەبەقەی ئاسمان

.....

زەویەگە گەردم

تەقەی گامەیلم دەمە خوەردی

جوی گڵیمیگ وەکوتەک پاکەو کریەێد

 

تیەمەو

ئەرا روزگاریگ

هیمان پەردەیل شەفەق لەتی نەدڕیاس

داوەزیەێدە بانم وەگشت ئازادی خوەی

خنکیەم

خ ن ک ی ە م

لە ناو یەخ دڵگرانی

لەشم چوودە قویلایی

وپەنجەی شایەتیم

ئەو دار چارۆکە هەڵگرە

دویاترین چشتە لە گەشتیەگە

ک دیاربوود ئەرا تەماشاکەر

....

لەدەرگەی هاتن

وئەتەپەی ئاشکرابوین

ئی خوسەیلەگەم

ئاخری لەهاتنەوەم

وەتەنیا دیونمەد

تا گیرستنەگە لەدایگ بوود

وە داوان پاکی

ئایا مەوقەیگ لە شعر هاتیەسە ملدا

تا دەنگەیلد لە دەرم وسانێدە

دڕنگە کەێد جوور هویرەوکردنیگ

نزیک باڵگووش روزگارم

هیمانی دەنگم

یەقەی دوسی کیشێد

لە جویلەی دڵ

باسکردنەگەی سەختبوی

لەلی سەختتر خوینمە

......

من ک فرە وەناوباگم

لە گەرمایی

ئەوەنە نەعڵەتبەویی کردم

چوینکە من پیاویگ زمسان مەسەبم

جوی بەرەفتاو

ک لە گشت شوینیگ

ئاینی ئەخناتۆنیە

.....

من پاتشاگەم

گەنجیگ لە چای کەمرەنگ دیرم

وشەکەرقەند... وسەماوەرەگە

نووش شابوور باد

زیرەکە ئەو کەسە ک نووڕمان کەێد

......

بایەسە رویتەو بووم

گیا خەریکە لاناو کراسەگەم ئەوزەڵ کەێد

وفرەوە بوود

لەشم داگیرکردگە

وارانیش بەش دوو گیا نیەکەێد

.....

گیرستن بیخود ئەرا خوەم وەخشنم

چوینکە ئازارەیلم

خشتیگە شکیەێد

وهەمیشە تەێدەو ئەرا ژیر دەس خشتبڕەیل

قڵایگم ک هیمان کوچگ خەێدە ناو کویزە کەم ئاوەگە

وەلی بن کویزەگە

ها کۆتایی هەفتمین زەوی

.....

من پاتشایگم

لە گشت ریەگان وەناوبانگم

لە شوینە گومکەرەگان

لە زمسانەگان

لە میلکانەگان

ولەلای شابوور سوڵتان

بەناوبانگم لە پەلامارەیلی

وکورسیەگانی

وئافرەتە نەوکەرەیلی

و ئەوەی ناوبەینمان

تەنیا پەیغەمبەریگە

نێەزانێد وەرەو کاملا

پا داکیشێد.

سەفا موهاجر