ده‌مم ده خاك و تووز پڕ

نه ئه‌ور هه‌س

نه ئا‌ور بڕ

خوه‌زه‌و وه خوه‌ت

كيه‌نی ت په‌نج‌ شه‌ش په‌لی

ئاو داونێ

سان تاونێ

وه نام مرتزا ئه‌لی

نيه‌ويشم هه‌ڵاك لێوتم

م لێوه‌تم

گونا خڕم

گونا فرووش سێوتم

م رێ نيه‌وه‌م

فه‌قه‌ت تويه‌نم

قه‌ڵه‌م بنه‌م ده بان ئاو

ده بان ئاور

كڕێ چراخ ده قه‌ور گه‌ور

بنويسنم

بلاونم

كڕێ ده ته‌رز ت بكيشم و بداونم

شاێه‌د

مه‌گه‌ر

ئێ گرنگه

ده سێنگم

سان خه‌مم،‌ بتاونم

وه دی نيه‌زانم هاتيه

چه‌مت سيه‌س

يا گه‌ر ك كاڵ؟

شێوه‌ت ده ئاور

ت بويشه م

وه‌‌ێ له‌ش هشك واريا؟

چه‌مت سيه‌س يا گه‌ر ك كاڵ

خوه‌شاڵ بووی

بێاێ خوه‌شاڵ

خوه‌شاڵ