و جواد كازم عه‌لی وه‌ریه‌و وه‌ر رادیو شه‌فه‌ق، پيروزبايی له هاووڵاتييه‌يل و هاوزووانه‌يل كردن، يه‌يش ده‌ق پيروزباييه‌گانه:
وه‌ناو خودای گه‌وراو میهره‌بان
وه‌بوونه‌ی هاتن عه‌ید قوروان جوانترین ئاره‌زووه‌یل و گه‌رمترین پیروزباییه‌يل خوه‌م و هاوكاره‌یلم له ده‌زگای ره‌سانن و رووشنهويری كورده‌یل فه‌یلی (شه‌فه‌ق) ئاراسه‌ی خوه‌شك و برایه‌یل موسه‌ڵمان عراقی وه‌تایبه‌ت هاوزووانه‌یل موسه‌ڵمان كه‌م و له خودای خاون كه‌ره‌م داواكاریم ئاسایش و سه‌قام و خه‌یر و به‌ره‌كه‌ت بوارنیگه مل وڵات و ملله‌ته‌گه‌مان و له گشت ناخوه‌شییگ دویرمانه‌و بخه‌یگ. هه‌میش له‌ی ده‌رفه‌ته ئستفاده كه‌م تا گه‌رمترین پیروزباییه‌یل ئاراسه‌ی سه‌ركردایه‌تی عراق فدراڵ و هه‌رێم كوردستان بكه‌م و له یه‌زدان پاك توام له كار وئه‌ركه‌یلیان سه‌ربه‌رز و سه‌ركه‌فتگ بوون ئه‌را خزمه‌ت كردن وه ملله‌ت ونیشتمانه‌گه‌مان. سه‌رله‌نوو عه‌ید گه‌ورای موسه‌ڵمانه‌یل له گشت لایگ موباره‌ك بووگ.
عه‌لی حوسێن فه‌یلی
سه‌روك ئه‌نجومه‌ن وه‌ڕیه‌وبردن ده‌زگای ره‌سانن و رووشنهويری كورده‌یل فه‌یلی– شه‌فه‌ق
16/11/2010
وه‌ناو خوداوه‌ند به‌خشه‌نده‌و میهره‌بان
خوه‌م وه‌به‌خته‌وه‌ر زانم ك وه‌بوونه‌ی هاتن عه‌ید گه‌ورای موسه‌ڵمانه‌یل, عه‌ید قوروان گه‌رمترین پیروزباییه‌یل خوه‌م وهاوكاره‌یلم له رادیو شه‌فه‌ق پیشكه‌ش موسه‌لمانه‌یل عراق و جه‌هان و هاوزووانه‌یلم له سه‌راسه‌ر جه‌هان بكه‌م و ده‌س نزا له یه‌زدان خاوه‌ن كه‌ره‌م به‌رزه‌و بكه‌م تا ملله‌ت و نیشتمانه‌گه‌مان له هه‌ر ناخوه‌شی و كاره‌ساتیگ بپارێزیگ و خوه‌شی و ئاوه‌دانی و شادمانی روی بكه‌یگه وڵات. هه‌ر وه‌ی بوونه‌ی پیروزه‌وه گه‌رمترین پیروزباییه‌یل ئاراسه‌ی هه‌ردو سه‌ركردایه‌تی حكومه‌ت عراق و هه‌رێم كوردستان كه‌م و ئاره‌زووی سه‌ربه‌رزی و سه‌ركه‌فتن له كار وئه‌ركه‌یلیان كه‌م ئه‌را خزمه‌ت كردن وه‌ملله‌ت و نیشتمانه ئه‌زیزه‌گه‌مان. سه‌رله نوو عه‌ید گه‌ورای موسه‌ڵمانه‌یل له په‌یڕه‌وه‌یل ئاین موحه‌مه‌دی پیروز بووگ.
جواد كازم عه‌لی
وه‌ڕیه‌ووه‌ر رادیو شه‌فه‌ق
16/11/2010
