كورده‌يل فه‌يلی شه‌فه‌ق به‌رپا كريه‌يگ كۆڕيگ له‌ژيرناو نيشان مافه‌يل هاوڵاتيه‌يل له‌هه‌ڵوژاردنه‌يل به‌رپا كريا و شماره‌يگ له‌ كه‌سايه‌تيه‌يل كۆمه‌ڵايه‌تی و روشنهوير له‌تی به‌شداری كردن . هه‌ميش رێزدار ئه‌زهار ره‌مه‌زان ره‌حيم باوه‌تيگ پێشكه‌ش كرد و له‌تی ئشاره‌ت كرده‌ ئه‌ی به‌نده‌يله‌ :

ئاموژگاريه‌يل له‌باوه‌ت ياسای هه‌ڵوژاردنه‌يل

ئاماده‌يه‌يل كانديد و ده‌نگ ده‌ره‌يل

چوين بڕيار ده‌يد وه‌ چ كه‌سيگ ده‌نگ بيه‌يد

هه‌ميش له‌يه‌كه‌و داين گشت لايه‌نه‌يگ له‌باوه‌ت گرنگی هه‌ڵوژاردنه‌يل وه‌ی خاتره‌ ك په‌رله‌مان وه‌رپرسيار دياری كردن و په‌سه‌ن كردن ياسايله‌ و هه‌ميش دياری كردن سه‌رۆك كۆمار و كانديد كردن سه‌رۆك ئه‌نجوومه‌ن وه‌زيره‌يل و وه‌زيره‌يل و په‌سه‌ن كردن بودجه‌‌ و گشت باوه‌ته‌يليگ وه‌كاروبار ده‌وڵه‌ت په‌يوه‌ندی ديرن هاله‌ده‌سی و باوه‌ته‌يليگ ناكوكی هاله‌بانيان ئه‌وه‌يش وه‌خاتر به‌شه‌يل تايبه‌ت كرياگ ئه‌را هه‌ر پارێزگا و ناكووكيه‌يل وه‌ده‌س هاتگ وه‌خاتر بڕيگ له‌پارێزگايه‌يل وه‌ تايبه‌ت پارێزگای سلێمانی و بابل له‌يه‌كه‌و دريا و ئشاره‌ت كريا وه‌ زه‌رووره‌ت له‌وه‌رچه‌و گرتن نه‌خش كورد له‌ شار به‌غدا . له‌شوون كوتايی هاتن وه‌ له‌يه‌كه‌و داينه‌گه‌ به‌شداريه‌يليگ له‌لايه‌ن ئاماده‌بويه‌يل پێشكه‌ش كريان له‌وانه‌يش :

رێزداره‌يل  ئه‌حمه‌د نه‌قشه‌به‌ندی ، جه‌لال ئسماعيل ، خالد محه‌مه‌د ،عه‌دنان ره‌شيد ، حه‌يده‌ر قوتبی ، تاها ساجی ،وه‌ رێزدار سه‌ڵاح مه‌نده‌لاوی .

شايان باسه‌ له‌شوون ئه‌ی به‌شداريه‌يله‌ كۆڕه‌گه‌ كوتايی وه‌پی هات..