جاسم ئه‌لحلفى/ چه‌نه‌ها مه‌سه‌له له‌لايه‌ن ئۆپۆزسيۆن ملليه‌و جوور جموجويل ناڕه‌زايه‌تى ئه‌نجام درياو له‌وه‌خت چالاكيه‌يل جياجياى داواكارى له‌باره‌يانه‌و ده‌رخست و له‌وانه‌يش سێ مه‌سه‌له‌ى تايبه‌ت بوێ وه چه‌وديرێ له‌بان كاره‌يل حكومه‌ت و خوينيشانده‌ره‌يل له‌وه‌خت ده‌ه‌سوه‌پيكردن شه‌پۆل دويه‌م چالاكيه‌يليان و له شوبات 2011ه‌وه داواى كرديان.
يه‌كه‌م مه‌سه‌له‌يگ داوا له حكومه‌ت كريا به‌رنامه‌ى كاره‌يلى ئاشكرا بكاو ئه‌وله‌وياتى ديارى بكا له‌باره‌ى جيوه‌جيكردن ئارامى و سه‌قامگيرى و ده‌س بكاده بنياتناين و ئاوه‌دانكردنه‌وه‌و له‌ناوبردن گه‌ناته‌كارى و ده‌سه‌وه‌ركردن خوه‌شگوزه‌رى و مقه‌يه‌تى له بڕيار سه‌روه‌خوه‌ى عراقى، ئمجا مه‌حاڵه ئكتفا وه به‌رنامه‌ى حكومى بكريه‌ێد، به‌ڵكو بايه‌سه به‌رنامه‌يگ واقعى و قابل وه جيوه‌جيكردن بدێ و چه‌وديرى جيوه‌جيكردنى بكريه‌ێد وه‌گووره‌ى پێوه‌ره‌يل زانستى و ئاشكراو دياريكرياێ و خاوه‌ن خشته‌يگ وه‌ختى دياريكرياێ بدێ.
مه‌سه‌له‌ى دويه‌ميش پابه‌ندكردن حكومه‌ته وه ده‌ركردن راپۆرت رووژشمارێ نيمه ساڵانه له كاره‌يلى و له‌تى ئاماژه وه‌و كاره‌يله بكريه‌ێد ك ته‌واويان كردگه.
وه‌لێ مه‌سه‌له‌ى سێيه‌م ته‌ركيزكردنه له‌بان ئاشكراكردن هساوه‌يل كووتايى له كووتايى گشت ساڵيگ.
ئى راپۆرته حكومه‌ته‌يل يه‌ك له‌شوون يه‌ك كه‌مته‌رخه‌م بوينه له پيشكه‌شكردنى مه‌گه‌ر وه ده‌گمه‌ن، ئمجا له‌وه‌ر ئه‌وه‌گ نه‌خريا روێ رۆڵيگ داشت له وازكردن ده‌رفه‌ت له‌وه‌رده‌م كاره‌يل گه‌ناته‌كارى و په‌رده‌پووش كردنى و هه‌وڵداين ئه‌را وه‌تاڵانبردن دارايى گشتى.
حكومه‌ت عادل عه‌بدولمه‌هدى هه‌ناى ك بڕيار به‌رنامه‌يگ حكومى دا له دانيشتن 5 شوبات 2019 و 1065 پرووژه گرته خوه‌ى، كار خاسيگ بوێ و له‌تى قه‌وڵ جيوه‌جيكردنى دا له ماوه‌ى 4 ساڵ، ك ئه‌ويش ته‌مه‌ن حكومه‌ته‌گه‌س.
وه‌ل ئه‌وه‌يشا خاسييگ تر ئه‌را حكومه‌ت نويسيم له‌وه‌ر ئه‌وه‌گ له 25/ 6/ 2019 راپۆرت نيمه ساڵانه‌ى يه‌كه‌مى ده‌ركرد له‌باره‌ى چه‌وديرێ جيوه‌جيكردن به‌رنامه حكوميه‌گه ك په‌يوه‌سه وه ماوه‌يگ وه‌ختى له 1/ 11/ 2018 تا 30/ 4/ 2019و ئى راپۆرتيشه 10 قاپى گرته خوه‌ى هه‌ر له‌وه‌وه ك په‌يوه‌ندى وه ناوه‌ڕووگك و پيشينه‌و په‌يڕه‌و ديرێد تا دويا شيه‌وكردنيگ ئه‌را جيوه‌جيكردن به‌رنامه‌و پلانيگ ئه‌را وه‌رده‌وامى كاره‌يل و پێوه‌ره‌يل و هاوسه‌نگيه‌يليگ ك پشت وه‌پيان به‌سيه‌ێد له پێوه‌ركردن به‌رنامه‌يل و وه‌رده‌وامى ريژه‌ى كاره‌يل ته‌واوكرياێ و شيواز كاره‌يل ته‌واوكرياێ وه‌زاره‌ته‌يل تا ڕه‌سێده به‌يان و ئاماره‌يل و كووتاييهاتن وه مولحه‌قيگ ته‌واو.
جى داخ ئه‌وه‌سه ك زوورم هيزه‌يل سياسى هويچ گرنگييگ وه راپۆرت نايه‌ن، وه‌تايبه‌ت ئه‌و راپۆرته‌يله ك ناڕه‌زايه‌تييان ده‌رخستنه، ئمجا هه‌ڵويستيان له كاره‌يل حكومه‌ت ئاشكرا ناكه‌ن وه‌گووره‌ى راپۆرته‌يليگ ك ئاماژه وه‌پيان كريا.
وه‌ل ئه‌وه‌يشا ريكخرياگه‌يل كۆمه‌ڵگاى مه‌ده‌نى، هويچ كام له‌ليان وه‌گووره‌ى تايبه‌تمه‌ندى له‌وه‌رده‌م ئو راپۆرته‌يله نه‌وسيانه بيجگه ئه‌و دانيشتنه ك هه‌ردوگ حزب شيوعى عراقى و ره‌وت كۆمه‌ڵايه‌تى ديموكراتى ئه‌نجامى دان وه هه‌ماهه‌نگى وه‌ل ئه‌نجومه‌ن عراقى ئه‌را ئاشتى و هاوكارى، ك له‌تى تايبه‌تمه‌نده‌يل ئاماده بوين و باس له راپۆرت كردن له‌گشت روييگه‌و.
ئه‌گه‌ريش بايمنه لاى هووكاره‌يل ره‌سانن، بيجگه ئه‌و به‌رنامه ك دكتۆر نه‌بيل جاسم ره‌ساننكار پيشكه‌شى ئه‌كاو باس له‌و راپۆرته وه‌گشت گرنگييگه‌و كرد، هويش هووكاريگ تر ره‌سانن رويماڵى نه‌كرد زياتر له هه‌واڵيگ وه‌په‌له.
ئه‌ڵلاجه‌وييش ها له‌ورا خود ئه‌نجومه‌ن نوێنه‌ره‌يليش ئى راپۆرته تائيسه له‌خوه‌ى نه‌گرتگه‌و هه‌ڵويستيگ له‌باره‌يه‌و نه‌يرێد، وه‌يه‌يش رۆڵ چه‌وديرى له‌لى غافڵه، ك بايه‌س بوێ باس له‌لێ بكا وه ئه‌وه‌گ لايه‌نيگ چه‌وديره‌و دقه‌ت كاره‌يليگ ئه‌كا له واقع.
