راسه‌قینه ، دیدگای گشت عیراقیه‌یل له‌دریژه‌ی ئه‌ی میژووه ك له‌تی ژیانه ئاشكرا بكا و هاووڵاتی بتویه‌نێ هویر نیشتمانپه‌روه‌رانه‌ی خوه‌ی و خۆشه‌ویستی خوه‌ی وه زه‌وی و برایه‌تی له‌ناونی گشت پێكهاته‌یل ئاشكرا بكا ئه‌وه‌یش له پیچه‌وانه‌ی ئه‌و ره‌نج و ناراحه‌تیه ك پارت به‌عس گووڕ وه‌گوور وه‌رجله به‌رپایی ده‌سڵات دیمۆكراتی له وڵات په‌خشه‌و كردوید . دیمۆكراتی یه‌عنی رێككه‌فتن و رێككه‌فتن یانی دیمۆكراتی وه‌لی ئه‌گه‌ر ته‌نیا ده‌نگ به‌رزه‌و بكریه‌ێ و ته‌نیا قاڵ و هاوار وجوود داشتوید ئیمنه له‌چوارچیوه‌ی مه‌فهوم دیمۆكراتی دویره‌و كه‌فیمن و له بشیوی و ناراحه‌تیگ وه‌رجله رمیان ده‌سڵات دیكتاتۆری و له‌شوون رمیانی تا ئه‌ی چه‌ن ساڵ دویاخره ژیه‌یمن . توا‌یم بویشیم ك ئیمنه ئمڕوو له قۆناغ گرنگ و حه‌ساسیگ له میژوو عیراق ژیه‌یم ك هه‌ڵوژاردنه‌یل ئایه‌نده له وڵات كاریگه‌ری فره‌یگ له‌بان بارودوخ وڵات دیریگ ك دوو ریگه ئه‌ناده وه‌رده‌م هاووڵاتیه‌یل و عیراق وه‌جوریگ یا عیراق ئه‌را زوور و سه‌ختی و خراوی ویرانی و ناراحه‌تیه‌یل گوزه‌شته و سه‌رله‌نوو وه‌دی هاتن فتنه‌و له‌ده‌سداین متمانه وه‌یه‌وكتره‌ك گله‌و ئه‌دا ك له‌و وه‌خته ئه‌من و ئاسایشیگ وجوود نه‌یرێ یا نه تويه‌نیم له‌ڕیگه‌ی ئه‌ی هه‌ڵوژاردنه‌یله كۆمه‌ڵگا و ده‌وڵه‌ت ژیاریگ دامه‌زرنیم ك پشت به‌ساسه دیمۆكراتی ياسايی و ده‌ستووری تا بتويه‌نیم شان وه شان وڵاتیل پێشكه‌فتگ جه‌هان پیش بكه‌فیمن . له‌و وه‌خته‌سه ك گشت حه‌قه‌یل هاووڵاتیه‌یل عیراقی زامن كریه‌ێ و دڵنیایی په‌یا ئه‌كه‌یم ك ئیمنه ریگه‌ی راسیگ گرتیمنه‌سه وه‌ر .
