له‌داڵگ بويه. وه‌ل ئه‌وه‌گ له‌سه‌ره‌تاوه دووسدار خوه‌ندن پزیشكی بويه، وه‌لی یاسا ته‌واوكردگه.
وه‌خاتر ئه‌وه‌گ وه‌ل خێزانه‌گه‌ی چينه‌سه شارۆچكه‌ی (كۆیه) له‌ساڵ (1948)، له‌ناوچه‌ی (كوێسنجاق)ی سه‌ر وه‌شارۆچكه‌ی كۆیه تويه‌نستگه خوه‌ندن ناوه‌ندی ته‌واو بكا.
به‌شداری ڕێكخرياگه خوه‌ندكارییه‌گان كردگهو له‌هه‌ڵوژاردنی یه‌كێتی قوتابیان كوردستان وه‌نوێنه‌ر خوه‌ندكاره‌يل شارۆچكه‌ی كۆیه هه‌ڵوژرياگه، دوياتر له‌كۆنگره‌ی یه‌كێتی قوتابیان به‌شداریكردگه‌و بويه‌سه ئه‌ندام كۆمیته‌ی قوتابیان.
تاڵه‌بانی وه‌خاتر بارودوخ ئه‌و وه‌خت عێراقه نه‌تويه‌نستگه ئارزوو مناڵی خوه‌ی ك خوه‌ندن كۆلیژ پزیشكی بويه، ته‌واو بكا وه‌يخاتره له‌ساڵ (1952) چويه‌سه كۆلێژ ماف (حقوق) له‌شار به‌غداو له‌ساڵ (1953) به‌شداری كۆنگره‌ی سێیه‌م پارت دیموكرات كوردستان كردگهو له‌عومر (18) هه‌يژده ساڵان وه‌ئه‌ندام كۆمیته‌ی ناوه‌ندی پارتی هه‌ڵوژرياگه.
له‌ساڵ (1955) ئه‌را یه‌كه‌مجار به‌شداری فستیڤاڵ جوانه‌يل و خوه‌ندكاره‌یل جه‌هانی كردگهو سه‌ردان وڵاته‌يل (یه‌كێتی سۆڤیه‌ت‌و چین) كردگه.
تاڵه‌بانی له‌ڕاپه‌ڕین كورد له‌ساڵ (1961) دژ حكومه‌ته‌گه‌ی (عه‌بدولكه‌ریم قاسم) به‌شداریكرد‌و له‌شوون له‌ناوچوين حكومه‌ته‌گه‌ی قاسم، بويه‌سه ئه‌ندام وه‌فد دانوستانكار كورد ئه‌را گفتوگوو وه‌ل سه‌رۆك كۆمار ئه‌و سه‌رده‌م عێراقه.
له‌ساڵ (1963) كرياسه سه‌رۆك شاند كوردی و سه‌ردان (جه‌مال عه‌بدولناسر) سه‌رۆك ئه‌و وه‌خته‌ی میسر كردگه.
له‌ساڵ (1975) و له‌شوون شكست شۆڕش ئه‌یلول، وه‌ل (كۆمه‌ڵه‌ی ڕه‌نجده‌ره‌یل كوردستان)، یه‌كێتی نیشتمانی كوردستان دامه‌زران.
له‌ساڵ (1991) تاڵه‌بانی وه‌ل لایه‌نه‌یل تر هه‌رێم، به‌ره‌ی كوردستان دروس كردن شارو شارۆچكه‌یل كوردستان له‌ده‌س ڕژيم به‌عس، ئازادكردن.
له‌شوون رميان ڕژيم به‌عس، تاڵه‌بانی له‌ساڵ (2005) وه‌سه‌رۆك كۆمار عێراق هه‌ڵوژريا‌و پيره‌شه‌ويش له‌گرده‌وبوينيگ په‌رله‌مان عێراق وه‌فره‌تر ده‌نگ په‌رله‌مانتاره‌يل، له جه‌م (223) دوسه‌د‌و بیس‌و سێ په‌رله‌مانتار ئاماده‌بوى، تاڵه‌بانی تويه‌نست (195) سه‌د‌و نه‌وه‌د‌و په‌نج ده‌نگ په‌رله‌مانتاره‌يل وه‌ده‌س بيه‌رێ، وه‌وه‌يش ئه‌را چوار ساڵ تر سه‌رۆكایه‌تی عێراق ئه‌كا.
ده‌سپێشخه‌ريه‌گه‌ی سه‌رۆك بارزانی و سه‌رله‌نوو هه‌ڵوژاردنه‌وه‌ی تاڵه‌بانی پیلانيگ هه‌رێمی و عه‌ره‌بی ئه‌را كه‌مه‌وكردن نه‌خش كورد له‌عێراق، له‌يه‌ك پاشان.
