حسێن یوسف زه‌مانی گه‌ورا‌ موزیكژه‌ن كورد رووژ سێشه‌ممه‌ و له‌ دويا رووژ ساڵ 2013 له‌ نه‌خوه‌شخانه‌یگ شار تاران ماڵئاوایی له‌ ژیان و له‌ جه‌هان هونه‌ركرد.

یوسف زه‌مانی له‌21 ی ئه‌یلولی 1933 له‌ شار سنه‌ی رووژهه‌ڵات كوردستان هاته‌ دونيا و وه‌ دريژایی ته‌مه‌ن هونه‌ری خوه‌ی وه‌ل چه‌نه‌ها هونه‌رمه‌ند گورانیچڕ كورد و ئيرانی كار كردگه‌ له‌وانه‌ سدیق ته‌عریف، بیژه‌ن كامكار، هایده‌، محه‌مه‌دره‌زا شه‌جریان، عه‌هدیه‌ و سیما بینا.

یه‌كێگ له‌ ‌ناودارترين به‌رهه‌مه‌يل هونه‌ريی سویت سامفۆنیای "شین ئه‌ڕا سوهراب" و "شه‌پۆل" و "ترۆپك"ه‌.

حوسێن یوسف زه‌مانی له‌ ته‌مه‌ن 26 ساڵی رویكرده‌ تاران و 1969 باوه‌ڕنامه‌ له‌ به‌ش ئۆركێسترای باڵای موزیك وه‌ده‌سهاورد.

ئه‌و هونه‌رمه‌نده‌ بێ وچان وه‌ل رادیۆ و ته‌له‌فزیۆن و ئۆركێسترا و زانكۆه‌یل تاران وه‌رده‌وام بويه‌ له‌ كار هونه‌ری.

حوسێن یوسف زه‌مانی گه‌ورا‌ موزیكژه‌ن كورد دويانيمه‌ڕووی رووژ سێ شه‌ممه‌ 31 كانون یه‌كه‌م 2013 له‌شوون ململانييگ سه‌خت وه‌ل نه‌خوه‌شیيگ دريژماوه‌ ماڵئاوایی له‌ ژیان كرد.

ا. ج