په‌رله‌مان وه‌دوياچين ئه‌ڕا ڕه‌خنه‌ی هونهرمهندو نويسه‌ره‌يل ئه‌كا
به‌كر كه‌ریم محه‌مه‌د سه‌رۆك لیژنه‌ی ڕووشنهویری له‌په‌رله‌مان كوردستان ئاماژه ئه‌ڕا ئه‌وه‌يش كردگه، ئه‌وان جوور لیژنه‌گه‌یان گشت گله‌یی‌و ڕه‌خنه‌یل هونهرمهندو نويسه‌ره‌يل وه‌گرنگ زانن‌و بڕیاریشدانه، وه‌دوياچين ئه‌ڕا ئه‌و ڕه‌خنه‌يله بكه‌ن.
له‌دريژه‌ی وته‌گانی (به‌كر كه‌ریم محه‌مه‌د) سه‌رۆك لیژنه‌ی ڕووشنهویری له‌په‌رله‌مان كوردستان باس له‌وه‌يشكردگه، وه‌گوره‌ی زانیاریه‌یل ئه‌وان، لیژنه‌یل هه‌ڵسه‌نگانن بێلایه‌نانه‌و وه‌بێ له‌وه‌رچه‌وگردن هویچ جووره مه‌به‌ستێگ سیاسی‌و تایبه‌تی كه‌سه‌گان ده‌سنیشان كردنه، له‌وباره‌‌يشه‌و له‌هه‌رسێ شاری هه‌ولێرو سلێمانی‌و دهۆك لیژنه‌ی تایبه‌تمه‌ند وه‌و بواره پێكهاورياگه.
ئه‌وه‌يش له‌وه‌ختێگه، دويای ئه‌وه‌گ وه‌زاره‌ت ڕووشنهویری ناو 690 كه‌س جوور داهێنه‌ر بڵاوه‌وكرد، ڕويوه‌ڕوی ڕه‌خنه‌ی فره‌ی هونهرمهندو ڕووشنهویر‌و نويسه‌ر‌و ڕووژنامه‌نويسه‌يل بويه‌و.
ا. ج
