شەفەق نیوز/ مۆڕی کانتیه، گورانی بێژ و میوزک نووس گینی ، ک ناسریاگە وەگورانیە وەناوبانگەگەی ( یەکیه یەکیه) ، ک لەهەیشتاگان درەچگە،، روژ جومعە، مالئاوایی یەکجاری کرد، لەتەمەن ٧٠ ساڵان، لەناو یەکیگ لەخەسەخانەگان کۆنگاری، وەگورەی قسەی کوڕەگەی ئەرا ئاژانس فڕانس پڕیس.
مۆڕی کانتیه، بەشداربوی لە بڵاوکردن میوزک ئەفریقی وگینی لە جهان، و مەلیۆنه‌ها چاپ لە گورانیەگەی ( یەکیه یەکیه) فروشیا، وکەفتە نوای لیست گورانیەیل.
بالا کانتیه کوڕەی وت؛ ک باوگی لە دەور ساعەت ١٠ شەوەکی روژ جومعە لە خەسەخانەی جینی- گینی لە کۆنگاری پایتەخت ماڵاوایی یەکجاری کرد، ، وتیش؛ خوەی نەخوەشی درێژخایەن داشتگە، وهەمیشە روی کردیادە فەرەنسا ئەرا چارەسەری، بەڵکم لەوەر قەیران ڤاێڕۆس کۆڕۆنا، ئی جار نەتویەنست بچوود.