شەفەق نیوز/ وەگورەی ماڵپەر سی ئین ئین ئەمریکی، دووشەممە , چیرانجیڤی سارجا، ئەکتەر هیندی وەناوبانگ، لە تەمەن ٣٩ ساڵان کۆچ دویایی کرد،.
بی ئیس یدییورایا، سەرۆک وەزیر ولایەت کارناتاکای هیندی وت؛ سارجا ک لە ٢٠ فیلم بریقەدا، جوور فیلم وەناوبانگ Amma I Love You ، لەوەر نۆرەدڵی ماڵئاوایی یەکجاری کرد.
یدییورایا، یەکشەممە، تویت کرد ونووساد؛ ئەیە دڵتەزینیگە ک خه‌وه‌ر مردن چیرانجیڤی سارجا هونەرمەن وەناوبانگ ژنەفتیمن، وە نۆرەدڵی، مردنیگ زوینە لە تەمەن ٣٩ ساڵان ك فرە دڵتەزینە.
سارجا ک دەور پاڵەوانی داشت لە فیلم Whistle وهەمیش لە Varadanayaka ، لە توخمارەی خیزانیگ ئەکتەرە، ک برارزای ئەکتەر ئرجون سارجاس و کوڕەرزای ئەکتەر دێرین شاکتی براساد، وەگورەی رۆژنامەی هیندوستان تایمز، وهاوسەر میگانا راجه‌ ك لە ساڵ ٢٠١٨ هاوسه‌ری كردن.
دویای بڵاوبوی خه‌وه‌ر مردنی، فرەیگ لە دووسەیل سارجا دویاترین وینەگەی لەبان ماڵپەڕ ئەنیستگرام بڵاو کردن، ک خوەیو براگەی ک هەمێش ئەکتەر وەناوبانگیگە لەناوی دیاردەن،.
یەکیگ لە دووسەیلی کۆمینت کرد؛ زەرەد گەورایگە ئەرا سینەمای هیند، گشتمان هویرد کەیمن.
وبڕیگ لە هەسارەیل سینەما باس خەفەت خوەیان لەبان پەیوەندیە کۆمەڵایەتیەگان کردن لەوەر مردن ناکاویی سارجا. ئەکتەر بریمانی له‌ تویتەگەی نووساد؛ خه‌مینم لە ژنەفتن چاو مردن چیرانجیڤی سارجا، قەت دەمچەو خەنینی لە هویرم نیەچوود.