دیارە ک ئاوای فریشتەیل لە سەدەگان ناوڕاس ئاو بانی پوشایە لە بن دەریاچەیگ لە چلەگان سەدەی وەرین، دیرێد دووارە دیار کەفێد.
ئاوای ئیتالی Fabbriche di Careggine ک بڕیگ ئاسنگەر لە سەدەی سێیەم دروسی کردنە ولەبەرهەم ئاسن وەناوبانگبویە، بەڵکم لە ساڵ ١٩٤٧ بەنداو کەهرەبایی درەوس کریا، دویای ئەوە ئاوایەگە نوقمەوبوی، وەختا ئاو بانی گرد ئەرا دروس کردن دەریاچەی Vagli دەسکرتی وخەڵک ئاوایەگە رەوانە کریان ئەرا شارۆچگەی Vagli di Sotto .
هیمان بنیادە کوچگینەگانی مەنیە، قەورسانیگ، پردیگ و کلیسەیگ هانە ژیر ئاوەگە، و لەوەخت دروس کردن بەنداوەگە تەنیا چوار جار ئەرا کار خاسەوکردن، لە ١٩٥٨ ، و ١٩٧٤ ، و ١٩٨٣ ، و ١٩٩٤ ، ئاو دەریاچەگە خاڵی کریاگە، لەگشت کەڕەتیگ وەل دەرکردن ئاوەگە، روخسار ئاوایەگە وەیەواشی ترسناکیگ کەفێدە وه‌رچه‌و.
دویاترین جار ک ئاوایەگە هاتەبان لە ساڵ ١٩٩٤ بوی، ک هەزاران كه‌س هاتن تا ئی ئاوایە بوینین ولەبان جادەیلی ری بکەن. دامەزراوه‌ ئینیل ک خاوەن بەنداوەگەس لە بەیاننامەیگ وت؛ شایەت یەکجاتر دەریاچەگە لە ساڵ ٢٠٢١ لەئاو خاڵی بوود ، وەگورەی ماڵپەڕ لۆنلی بلانێت.