شه‌فه‌ق نيوز/ ريكخرياگ ته‌ندروستى جه‌هانى، باوه‌ڕى ئه‌وه‌سه‌ فيرۆس كۆرۆنا تواناى بڵاوبوينه‌وه‌ نه‌يريد له‌ وه‌رز تاوسان ئاينده‌ له‌ عراق، وه‌لێ وت: ئه‌گه‌ر پله‌ى گه‌رماى خواست كه‌فته‌و ك هه‌وه‌جه‌ وه‌ دو مانگ تر ديرێد.

له‌وباوه‌ته‌و ئه‌دهه‌م ئسماعيل نوێنه‌ر ريكخرياگه‌گه‌ له‌ عراق، وت: ريكخرياگ ته‌ندروستى جه‌هانى گشت كه‌ره‌سته‌يگ داسه‌ عراق ئه‌را وشكانن تويشهاتگه‌يل وه‌ كۆرۆنا له‌ ته‌ياره‌خانه‌يل و ده‌روازه‌يل مه‌رزێ.

جه‌خت له‌وه‌يش كرد عراق وه‌شيوه‌يگ نمونه‌يى و خاس جواو داشتگه‌ له‌ مامڵه‌كردن وه‌ل نه‌خوه‌شى كۆرۆنا و سه‌ركه‌فتگ بويه‌ له‌ بردنه‌وه‌ى خوه‌ندكاره‌يل عراقى له‌ وۆهان وه‌شيوه‌ى گورجيگ ك سه‌رچه‌وه‌ى ڤايرۆسه‌گه‌ بويه‌.