"هه‌رێم له‌ناوچه‌يل داوڕياگ سه‌ربازگه دروس ئه‌كا"
عه‌مید هه‌ڵگورد حكمه‌ت وه‌رپرس به‌ش ره‌سانن و هووشیاری له وه‌زاره‌ت پێشمه‌رگه وه رووژنامه‌ی "هاوڵاتی" وتگه "نێچیرڤان بارزانی فه‌رمان داسه هه‌ردوو وه‌زیر پێشمه‌رگه‌و ئاوه‌دانكردنه‌وه وه‌شێوه‌یگ راسه‌وخۆ سه‌رپه‌رشتی دروسكردن سه‌ربازگه ئه‌ڕا هێزه‌یل پێشمه‌رگه له‌سنوور ناوچه‌يل داوڕياگ بكه‌ن".
ئاشكرايشيه‌و كرد بڕ 10 ملیۆن دۆلار ئه‌ڕاێ ته‌رخانكرياگه‌و لیژنه‌ی ته‌كنيكی تایبه‌تمه‌نديش دا‌مه‌زريه‌ێ ك شاره‌زای دروسكردن سه‌ربازگه بوود.
سه‌رچه‌وه‌یگ له وه‌زاره‌ت پێشمه‌رگه ك داواكردگه ناوی ئاشكرا نه‌كريه‌ێد وه رووژنامه‌گه وتگه دروسكردن سه‌ربازگه‌گان وه‌دريژایی سنوور رويوه‌ڕويبوينه‌وه‌ی هه‌رێم و عێراق گرێده‌و، وتي‌ش "له‌چوار لاوه پرۆژه‌گه ئه‌نجام ئه‌دريه‌ێ، لای یه‌كه‌م ناوچه‌ی دوبز و سه‌رگه‌ران، دويه‌م سنوور تازه‌و دوز خورماتوو، لای سێ یه‌م وه‌دريژایی سنوور ناوچه‌یل سه‌عدیه‌و جه‌له‌ولاو قه‌ره‌ته‌په گرێده‌و تا ناوچه‌یل زوممار و شێخان".
سه‌رچه‌وه‌گه ئويشێ فره‌تر سه‌ربازگه‌گان له‌ژێر زه‌وی دروس كريه‌ن و دا‌پووشريه‌ن ئه‌ڕا ئه‌وه‌گ ته‌قینه‌وه كار له‌لێ نه‌كا.
ا. ج
