شه‌فه‌ق نيوز/ مارتن جيكه‌ر جێگر وه‌زير ئابوورى ئه‌ڵمانيا، وه‌ سه‌ردانيگ ره‌سيه‌ هه‌ولێر پايته‌خت هه‌رێم كوردستان و له‌تى چه‌وێ ئه‌كه‌فێده‌ گه‌ورا وه‌رپرسه‌يل هه‌رێم و بڕياريشه‌ سوو بكه‌فێده‌ڕێ وه‌ره‌و موسڵ و دوياخريش وه‌ره‌و دهۆك له‌وه‌ر ئاگاداربوين له‌ بارودوخ ئاواره‌يل.

له‌ى باوه‌ته‌و، ده‌زگاى په‌يوه‌نديه‌يل خارجى له‌ حكومه‌ت هه‌رێم، له‌ به‌ياننامه‌يگ ئه‌وه‌ ده‌رخست ك فه‌لاح مسته‌فا سه‌رۆك ده‌زگاگه‌ پيشوازى له‌و وه‌رپرس باڵاى ئه‌ڵمانيه‌ كردگه‌و باڵيۆز گشتى ئه‌ڵمانيايش له‌هه‌ولێر وه‌ليا ئاماده‌ بويه‌.

سه‌رچه‌وه‌يليش ئاماژه‌ وه‌ ئه‌وه‌ كردن سوو جيكه‌ر ئه‌كه‌فێده‌ڕێ وه‌ره‌و موسڵ و دوياخريش سه‌ردان دهۆك ئه‌كاو دوياى گله‌وخواردنيشى چه‌وێ ئه‌كه‌فێده‌ هه‌ر يه‌ك له‌ نێچيروان بارزانى سه‌رۆك هه‌رێم كوردستان و مه‌سرور بارزانى سه‌رۆك حكومه‌ت هه‌رێم ك راسپارياگه‌ ئه‌را دامه‌زرانن حكومه‌ت.