مزگانى خوه‌شيگ ئه‌را كارمه‌نده‌يل كوردستان.. ئه‌يه واده‌ى دابه‌شكردن مووچه‌يله
2020-05-19 19:33:58
شه‌فه‌ق نيوز/ وه‌زاره‌ت دارايى و ئابوورى له حكومه‌ت هه‌رێم كوردستان، خوازياره مووچه‌ى گشت كارمه‌نده‌يل و خانه‌نشينه‌يل بكا له وه‌رجه جه‌ژن ره‌مه‌زان پيرووز.
وه‌گووره‌ى ئه‌و زانياريه‌يله ك ئاژانس شه‌فه‌ق نيوز ئاگادارى بوێ، وه‌زاره‌ت دارايى و ئابوورى ده‌س ئه‌كاده دابه‌شكردن مووچه‌يل وه‌رجه هاتن جه‌ژن ره‌مه‌زان ئه‌را گشت كارمه‌نده‌يل، يه‌يش له‌وه‌ختيگ رووژ په‌نجشه‌ممه‌ى ئاينده دويا رووژ دابه‌شكردن مووچه‌يله‌و ته‌رخان ئه‌كريه‌ێد ئه‌را دابه‌شكردن مووچه‌ى خانه‌نشينه‌يل.
جى باسه، يه‌يش له‌وه‌ختيگه وه‌زاره‌ت دارايى خشته‌ى تازه‌ى دابه‌شكردن مووچه‌يل ئاشكرا كرد و ئاماژه وه‌يه‌يش كرد سوو چوارشه‌ممه ته‌رخان ئه‌كريه‌ێد ئه‌را دابه‌شكردن مووچه‌ى كارمه‌نده‌يل شماره‌يگ له وه‌زاره‌ته‌يل.
