شەفەق نیوز/ پزشکەیل وتیمەیل تەندروسی ئمڕوو دووشەممە دەس کردنە مان گردن لە هەرێم کوردستان، وە ناڕەزەاتیان لە دیرهاتن مووچە ک ئەرا ٥٠ روژە نەهاتگە. له‌ شوون ئه‌وه‌ ک ئەنجومەن وەزیرەیل عیراق بڕیار وسانن مووچەی کوردستان دا، دویای گیچەلیگ لە سەرچەوەیل نەفت.
پزشکە مان گردگەیل وە بەیانامەیگ رەسیە شەفەق نیوز وتنە: وەل ئی گوزران سەختە ک کار کەن دژ کۆڕۆنا، لەبان یەیش حكومەت مووچەیلمان خەێدە دیر، یە ٥٠ روژە لەبانی رەد بویە، و هایمنە حاڵ ئابوری سەختیگ، ئمڕوو مانگگردنەگە کەفێدە ناو گشت هۆڵەیل لە خەسەخانەیل سلێمانی، و ئەگەر داواکاریمان جیوەجی نەکردن، لە سووەو لە گشت خەسەخانەیل فریاکەفتن واز لە کار تیەریمن.
لای خوەیش هاژین عوسمان سەرۆک ساندیکای پزشکەیل هەرێم ئەرا شەفەق نیوز وت: ئی مانگردنە گشت فەرمانبەرەیل تەندروسی هەرێم گرێد، لە سلێمانی وهەڵەبجە ووەڕێەوبەرایەتی راپەڕین وگەرمیانیش ک دروشمیان بویە ( وەبی مووچە، دەوام نیە ).
وتیش: ساندیکای پزشکەیل هەرێم سوو گردەوبون تا بڕیاریگ یەکدەسی بیەن، یا چەوڕی بڕیار حوکمەت هەرێم بون.