داواكارييگ فه‌رمى له‌وه‌ر كلكردن پزيشكه‌يليگ له به‌غداوه ئه‌را سلێمانى پێشكه‌ش كريا
شه‌فه‌ق نيوز/ فراكسيۆن يه‌كێتى نيشتمانى كوردستان له په‌رله‌مان عراقى، ئاشكراى پيشكه‌شكردن پيشنياريگ كرد ئه‌را ميوانداريكردن پزيشكه‌يليگ تايبه‌تمه‌ند له بوار چه‌وديريكردن پزيشكى له به‌غداى پايته‌خته‌و ئه‌را سلێمانى له‌وه‌ر پڕكردنه‌وه‌ى كه‌مبوين له پزيشك له پايزگاگه و چاره‌سه‌ركردن حاڵه‌ته‌يل نه‌خوازرياێ له‌ئه‌نجام زيايبوين شماره‌ى تويشبوين وه ڤايرۆس كۆرۆنا.
له‌ى باوه‌ته‌و، رێزان شێخ دلێر ئه‌ندام ئه‌نجومه‌ن نوێنه‌ره‌يل عراقى له‌بان فراكسيۆن يه‌كێتى له به‌ياننامه‌يگ ك ئاژانس شه‌فه‌ق نيوز ئاگادارى بوێ وت: له دانيشتن وه‌رين په‌رله‌مان پيشنياريگ پيشكه‌ش كرديمنه‌سه ده‌سه‌ى سه‌رۆكايه‌تى په‌رله‌مان و هه‌ردوگ شانه‌ى قه‌يران په‌رله‌مانى و حكومى له‌وه‌ر كلكردن پزيشكه‌يل تايبه‌تمه‌ند ئه‌را سلێمانى.
شێخ دلێر هه‌ميش وت: وه‌بوونه‌ى به‌رزبوينه‌وه‌ى شماره‌ى تويشبويه‌يل كۆرۆنا و كه‌مى پزيشكه‌يل تايبه‌تمه‌ند له بوار چه‌وديرى پزيشكى كيشه له سلێمانى وجوود ديرێد.
