حه‌سه‌ن شه‌ره‌فی: ئاماده‌یم وه‌ل په‌كه‌كه گفتوگوو بكه‌یم و كووتایی وه بارگرژییه‌گه باريم
ئێواره‌ێ ئمڕوو شاندێگ یه‌كيه‌تی په‌رله‌مانتاره‌یل كوردستان و حزب دیمۆكرات كۆنگره‌ێگ رووژنامه‌وانی ئه‌نجامدان.
له كۆنگره رووژنامه‌وانییه‌گه، حه‌سه‌ن شه‌ره‌فی، جێگر سكرتێر حزب دیمۆكرات كوردستان ئيران، ئاشكراێه‌وكرد: "چه‌كه‌گانمان بێده‌نگ ووبن و ده‌سپێشخه‌ر نیه‌ويمن له دروسكردن ئاڵۆزی".
وتیش: " ئاماده‌یم گفتوگوو وه‌ل په‌كه‌كه بكه‌یم و كووتایی وه بارگرژییه‌گه باريم، بايه‌سه چاره‌سه‌ره‌گه له‌به‌رژه‌وه‌ندی هه‌ردولا بوود".
جێگر سكرتێر حزب دیمۆكرات كوردستان ئيران، ئاماژه وه‌وه‌يشدا: "ميدياگان مه‌مه‌ر گرژیه‌گه ئه‌ڕا هاونیشتمانیه‌يل ده‌رخستن، وه‌لێ بڕێگ له ميدياگان لێفه دانه خوه‌یان و راسیه‌گان ئاشكرا نه‌كردن".
ئه‌وه‌يش خسته‌ڕوی: "وه كرده‌وه نیشان ده‌یم ك ئاره‌زوو‌مه‌ند گفتوگوویمن ئه‌ڕا چاره‌سه‌ر كێشه‌گانمان"، ئويشێديش: "بايه‌سه هویچ هێزێگ كوردی رێگر نه‌ود له خه‌بات هویچ هێزێگ كوردی تر".
له‌لاێگ تره‌و له كۆنگره رووژنامه‌وانیه‌گه، نعمه‌ت عه‌بدوڵا، سه‌رۆك یه‌كيه‌تی په‌رله‌مانتاره‌یل كوردستان، ئاشكراێه‌وكرد: په‌كه‌كه ئاماده‌یی نیشانداس ئه‌ڕا چاره‌سه‌ركردن ئاڵۆزییه‌گان".
وتیش: "بايه‌سه گشت ته‌قالاێگ بكريه‌ێد ئه‌ڕا چاره‌سه‌ر ئاڵۆزییه‌گان".
هه‌ر ئه‌مڕوويش شاندێگ یه‌كيه‌تی و پارتی سه‌ردان دیموكرات و په‌كه‌كه كردن، ئه‌ڕا چاره‌سه‌ركردن گرژی ناوبه‌ێن ئه‌و دو حزبه ك له دو رووژ گوزه‌يشته دروس بوی.
