شه‌فه‌ق نيوز/ وه‌ بوونه‌ى ساڵياد كاره‌سات 9 حزه‌يران ساڵ 1963 له‌ سلێمانى, مه‌سعود بارزانى سه‌رۆك پارت ديموكرات كوردستان، په‌ياميگ ئاراسته‌ كرد و له‌تى سڵام له‌ شماره‌يگ له‌ ئازاديخوازه‌يل كورد كرد له‌وانه‌گ ئامادە نەوين سووكایەتی وە ره‌مه‌زه‌يل نەتەوەیه‌يى بكەن و وه‌ده‌س "زه‌عيم سديق" دريان له‌سێداره‌.

بارزانى له‌ به‌ياننامه‌يگ ئه‌را شه‌فه‌ق نيوز وت: ئمڕوو 9 حوزەیران ڕۆژيگ پڕ لە كارەسات و قوربانیدانە لە مێژوو ملله‌ته‌گه‌مان. لە 9 حوزەیران 1963 شمارەیگ لە ئازادیخوازه‌يل سلێمانی ئامادە نەبوين سووكایەتی بە ره‌مزه‌يل نەتەوەیی بكەن، هه‌ر وه‌و خاتريشه‌ وه‌ده‌س جەللادی ئەو وه‌خته‌ى "زەعیم سدیق" شەهید كريان و، وە خوێن خۆیان وانەی ئازایەتی و خوه‌ى وه‌ده‌سه‌ونه‌يان تۆمار كردن.

بارزانى وت: هەر لە ڕووژيگ جوور ئمڕوو ته‌ياره‌يل رژيم ئه‌وساى عراق دڕندانه‌ ئۆردوگاى په‌نابه‌ره‌يل"زێوە"بۆردومان كردن و له‌و تاوانه‌ شماره‌يگ فريه‌ى ئاواره‌و ژن و مناڵ بيتاوان شه‌هيد و زه‌خمدار بوين.

بارزانى هه‌ميش وت: دوشمن له‌يوا مه‌زه‌نه‌ى كردوێد وه‌ شه‌هيدكردن و سزانن ژن و مناڵ سه‌ركه‌فتن وه‌ده‌س ئه‌يه‌رێد و ئيراده‌ى ملله‌ت كوردستان شكنێد، وه‌لێ كاره‌سات زێوه‌ ئه‌را گشتلايگ ئه‌وه‌ چه‌سپان ك ئه‌وه‌گ له‌ چه‌ك و ته‌ياره‌و ئاگر دوشمن وه‌هيزتره‌، ئيراده‌ى ملله‌ت كوردستانه‌ ئه‌را مه‌ندنه‌وه‌و خه‌بات، ك دوياجاريش ئه‌و ئيراده‌ى به‌رزه‌ سه‌ركه‌فت له‌بان دوشمن بيوژدان.