شه‌فه‌ق نيوز/ مه‌سرور بارزانى سه‌رۆك حكومه‌ت هه‌رێم كوردستان، به‌ياننامه‌يگ بڵاوكرد وه‌ بوونه‌ى وه‌سه‌رچگن 32 ساڵ له‌بان بۆردومانكردن شار هه‌ڵه‌بجه‌ وه‌ چه‌ك كيمياوى.

بارزانى له‌ به‌ياننامه‌گه‌ ئه‌را شه‌فه‌ق نيوز وت: ئمڕوو 32 ساڵ له‌بان بۆردمانكردن و جه‌مكوشى هه‌ڵبجه‌ گوزه‌ر ئه‌دێ ك به‌شيگ بوێ له‌ سياسه‌ت قڕكردن و جينۆسايدكردن ملله‌ت كوردستان.

بارزانى وت: ئى تاوان گه‌ورا ك وه‌رانوه‌ر ملله‌ته‌كه‌مان ئه‌نجام دريا، هيمان زه‌خم قويليگه‌ له‌ مێژوو ملله‌ت كوردسان و نيشانه‌ى ئه‌و زوڵم و زووردارييه‌سه‌ ك وه‌رانوه‌ر ملله‌ت كوردستان ئه‌نجام دريا.

بارزانى هه‌ميش وت: حكومه‌ت هه‌رێم كوردستان ك به‌رهه‌م خوين شه‌هيده‌يل و خۆڕاگرى ملله‌ته‌گه‌مانه‌، گشت هه‌وڵيگ ئه‌ياد ئه‌را خزمه‌تكردن زياتر كه‌سوكار شه‌هيده‌يل و ئه‌نفالكرياگه‌يل و با ئى بوونه‌ى دڵته‌زنه‌ هانده‌ر زياترمان بدێ ئه‌را يه‌كڕزى و يه‌كگرتگى و كاركردن هاوبه‌ش وه‌خاتر زاڵبوين له‌بان گشت كاره‌سات و بارودوخيگ سه‌خت.