پەڕلەمان عیراق تاوانەیل ئاسایش خوەراک لە خانەی تیرۆرست دانەێد
شەفەق نیوز/ ئمڕوو یەکشەممە، ئەنجومەن نوێنەرەیل راگەیان وە ناوناین (قۆناغ کشتوکاڵ) لە عیراق، ئەرا ئی رەوش ئیسەی وڵاتەگە، وباس لە جیوەجیکردن رێوشوێنەگان پشتگیری کەرت کشتوکاڵی کرد، دویر لە پلانەیل دویاروژی لە وەختەیل ( خوەشگوزرانی و ئارامی) ودووپاتی کرد لە رێککەفتن لە بان جیوەجیکردن پلان فریاگوزاری کشتوکاڵی، ودانان تاوانەیل ئاسایش خوەراک لەناو یاسای تاوانەیل تیرۆر.
نویسینگەی راگەیاندن جیگر یەکەم سەرۆک پەڕلەمان، لە بەیاننامەیگ ك رەسیە شەفەق نیوز وت: حەسەن کەعبی، جیگر یەکەم سەرۆک پەڕلەمان، سەرپەرشتی کۆبونەوەی کۆمیتەی کشتوکاڵ و ئەهوار له پەڕلەمان کرد، تا به‌رنامه‌یگ ئەرا کار کەرت کشتوکاڵی و دژ پەتای کۆرۆنا و له‌وه‌رچه‌وگرتن ئاسایش خوەراک دانەێد، ودیاری کرد ک سەلام شەمەری بەرپرس دەسەی کشتوکاڵ وەل ئەو ئەندامەیلتر دەسەگە، و پەرلامانتارەیلیگ لە دەسەیل ئابوری ، وه‌بەرهێنان ، یاسا ونەزاهەی پەڕلەمانی بەشدار بوین، بیجگە بڕیگ لە نوێنەرەیل وەزارەت کشتوکاڵ و پلانسازی و سه‌رچه‌وێل ئاو.
بەیاننامەگە قسەی کەعبی هاورد ک وت: گشت ئی کارەیلە هیشت ئیمەو ئەنجومەن وزارەت ئەرا ئابوری، ناو به‌رنامه‌گه وە قۆناغ کشتوکاڵ بنەیمن، یەیش چارەسەریگ نمونەییە ئەرا فرە لە گیچەڵەیل لە ئاسایش خوەراک و هەژاری وبیکاری و فەوتکردن ( عملة صعبة) وهاوردن چشت و داوەزین نرخ نەفت.
وتیش؛ ئەگەر رەسیمنە گەشەکردن لە کەرتەیل کشتوکاڵ و پیشە، دی وەئی پلەی ئیسە نەفت نیەخوازیمن.
کەعبی هەمیش باس کرد؛ رێکەفتیمن له‌بان ئه‌وه كە دەس بکەیمنە وەکارهاوردن ریۆشوێنەگان پشتگیری کەرت کشتوکاڵ، نەگ ته‌نیا نەقشەو پلان ناین، چوینکە پلان ناین لە وەختەیل ئارامی و خوەشگوزرانی نریەێد، و وڵاتەگەمان ئیسە هاناو قەیران راستەقینەیگ.
