شەفەق نیوز/ عالیە نسەیف نوێنەر هاوپەیمان دەوڵەت یاسا، ئمڕوو شەممە، ئاشکرا کرد لە چەووپیکەفتن و جوولەی دوبلۆماسی کوەیتی لەبەغداد، وەئامانج وەکارهاوردن قەیران داراییەگەی عراق ولەناوبردن بەندەر فاو.
نسەیف لە بەیاننامەیگ ; رەسیە ئاژانس شەفەق نیوز وت: وەزیر دەرەوەی کوەیت ک وەی دویاییە سەردان عراق کرد، هاتیە وەگەرد پێشنیار (سەنین رەزامەنی عراق) ئەرا گریەدان بەندەر موبارەک گەورا وەل کەناڵە وشکەگەی عراق ، تا وەیەکجاری بەندەر فاو لەناو بیەێد، وەرانوەر پویلەیلیگ ک بکەفێدە دەس حکومەت عراقی، لە کۆنگرەی وەخشینەیل شکست هاتگ، وەکورتی یانی فروشتن بەندەر فاو.
نسه‌یف دیاری کرد، ک کوەیت تەقەلا دەێد قەیرانە داراییەگەی عراق بکەێدە دەرفەتیگ ئەرا جیوه‌جیكردن پیلانەگانی، لەوەختیگ بەشیگ لە وەرپرسە عراقیەگان هەوڵ دەن خوەیان وەپاڵەوان نیشان بیەن لە وەرگردن ملیاره‌یل دۆلار لە کوەیت ومه‌ردم بخەڵەتنن ک گوایە لە رەدبوین قەیرانەگە سەرکەفتنە، وئاماژەدا ک داهاتە داراییەگان لە کەناڵە وشکەگە و بەندەر فاو لە ئەگەر تەواو دروسکردنیان، بوودە نزیکەی سێ بەش لە داهاتەیل عراق لە نەفت.
نسەیف دووپات کرد؛ ک هەر وەرپرسیگ چەوسەختی بکەێد لە واژو کردن لەبان وازهاوردن لە بەندەر فاو جوور خیانەتکار دانریەێد، و ئەوسا توڕەیی گەل دوینین دژوە هەرکەسیگ سەروەری عراق وئاوی وزەویی لەناو بیەێد، وبیلا مه‌ردم عراقی بزانێد ک ئمڕوو سەر بەندەر فاو داوا کریاگە ئەرا کوەیتیەگان، ئەی هانه‌ کوو خاوەن غیرەتەگان لە عراق ک لەروی ئی تەمایلە وسیەن؟.
وجەخت کرد لەبان گرنگی دەسوەردان سەرۆک وەزیران و چەودێری لە ووردەکاریەگان چەووەپیکەفتن و جوولەیل کوەیتی لە بەغداد، و روی وەروی بوین هەر تەقەلایگ ئەرا جیوەجی کردن ئەجیندەیل کوەیت.